Azərbaycanlı rəssam-heykəltəraş koronavirusla bağlı əsər hazırlayıb
Türkiyənin İzmir şəhərində fəaliyyət göstərən azərbaycanlı rəssam-heykəltəraş Gülnarə Pamuk Muxtarova dünyada öz təsirini göstərməyə davam edən yeni növ koronavirusla bağlı “2020-ci ilin fəlakəti” mövzusunda rəsm əsəri hazırlayıb.
Versus.Az xəbər verir ki, bu barədə rəssam məlumat verib.
Əsas məqsədinin bu virusun yayılma və insanlar arasında törətdiyi fəsadlara dünya ictimaiyyətinin diqqətini cəlb etmək olduğunu bildirən rəssam, çox yaxın zamanda dünyanı öz təsiri altına salan bu virusun yox olacağını vurğulayıb:
"Lakin bu xəstəliyin qurbanlarının xatirələrinin əbədiləşdirilməsi və bu günlərdə yaşananların yaddaşlardan silinməməsi üçün öz sahəm üzrə bir işə görmək istədim. Mənim fikrimcə qadınlar dünyanın ən güclü varlıqlarıdırlar. Hər vəziyyətdə ailəni birləşdirib çətinliklərə sinə gərməyi bacarırlar. Dünya da bizim evimizdir və biz bir ailəyik. Bu səbəbdən əsərdə məhz qadın obrazının həkk olunmasını daha məqsədəuyğun hesab etdim”.
Qeyd edək ki, yağlı boya ilə çəkilmiş rəsm əsəri dörd günə hazırlanıb. /azertac/
Versus.Az
Xəbər lenti
Mehriban Əliyevadan İlaxır çərşənbə ilə bağlı PAYLAŞIM
O, laxır çərşənbə münasibəti ilə Azərbaycan xalqını təbrik edib