UEFA Avropa çempionatlarını bir il sonraya keçirib

10:41 02-04-2020 | icon 904 | İdman
UEFA Avropa çempionatlarını bir il sonraya keçirib

UEFA daha iki turnirin təxirə salınmasına qərar verib.

 

Versus.Az xəbər verir ki, 21 yaşadək futbolçular və qadınlar arasında AVRO-2021-in final mərhələləri 2021-ci deyil, 2022-ci ildə təşkil olunacaq.

 

Bu barədə qərar UEFA ilə quruma üzv olan milli assosiasiyaların nümayəndələri arasında videokonfransdan sonra verilib. Gənclərin Macarıstan və Sloveniyada, xanım futbolçuların İngiltərədə baş tutmalı olan yarışları bir il sonraya təxirə salınıb.

 

Buna koronavirus pandemiyası üzündən baş tutan təxirəsalmalar səbəb olub. AVRO-2020 və Tokio-2020 2021-ci ilin yayına keçirildiyindən həmin vaxt təqvim çox sıx olacaq. Bu səbəbdən də U-21-lər və qadınların çempionatı bir il sonraya saxlanılıb.

 

Hazırda hər iki Avropa çempionatında seçmə mərhələ davam edir. Azərbaycan yığmaları bu turnirlərdə uğursuz çıxış edir. 6 oyundan sonra 6 xala malik U-21 seçmə mərhələnin 2-ci qrupunda 6 komanda arasında 5-cidir. 4 oyunun hamısında uduzan qadın millimiz isə D qrupunda sonuncu – 5-ci yerdə qərarlaşıb.

 

Qeyd edək ki, bunadək 2020-ci ildə keçirilməli olan Avropa çempionatlarının final mərhələləri ilə bağlı da qərar verilib. 17 yaşadək oğlanlar və 19 yaşadək qızların yarışı ləğv edilib, 19 yaşadək oğlanlarla 17 yaşadək qızların yarışı təxirə salınıb.

Xəbər lenti

InvestAZ

Ən çox oxunan xəbərlər

“Mən istədim, Elçibəy prezident oldu” deyən Surət Hüseynova sərt REAKSİYA

Sağ qabırğa altında, qarının yuxarı hissəsində baş verən ağrılar...

Elmar Məmmədyarov istefa versin! - ÇAĞIRIŞ

Bu Qərar 2020-ci il oktyabrın 1-dək qüvvədədir

Avropa Xalq Partiyası Aİ və “Şərq Tərəfdaşlığı” ölkələrinə çağırış edib

Bu gündən bu bölmələr üzrə uşaqlar onlayn müsahibədə iştirak edəcək

Şuşa inauqurasiyası, mən, qarğalar…

Kanadanın ABŞ-la olan sərhədlərin açılmasının daha 30 gün uzadılmasına razılıq verilib

“Milli Məclisin ayrıca bir ittihamçı BƏYANATına ehtiyac var”

Ukrayna tərəfinin "qeyri-diplomatik addım"ı kimi dəyərləndirildi

Poroşenko dövlətə xəyanətdə ittiham olunur

“Azərbaycan ultimatumla danışmağı məqbul saymır” - MÜSAHİBƏ

Bu tələbələrin təhsil haqqının ödənilməsi üçün yeni sistem istifadəyə verilib

Magistraturaya ayrılan yerlərin sayı məlum olub

Şəhidlərin nahaq qanı bizi bağışlamasın