Qənirə Paşayevanın Şəfiqə Məmmədovanın 1-ci dərəcəli "Əmək" ordeni ilə təltif olunması ilə bağlı təbrik
Millət vəkili, Mədəniyyət komitəsinin sədri Qənirə Paşayeva və komitə üzvləri Azərbaycan SSRİ Xalq Artisti, Azərbaycan Kinematoqrafçılar İttifaqının ilk sədri xanım Şəfiqə Məmmədovanın 1-ci dərəcəli "Əmək" ordeni ilə təltif olunması ilə bağlı təbrik yayımlayıb.
Versus.Az xəbər verir ki, sənəddə deyilir:
“Azərbaycan SSRİ Xalq Artisti, Azərbaycan Kinematoqrafçılar İttifaqının ilk sədri xanım Şəfiqə Məmmədovaya
Hörmətli Şəfiqə xanım!
Siz Azərbaycan teatr və kino sənətində misilsiz xidmətləri olan, unudulmaz obrazlara adını həkk etmiş gözəl sənətkarımızsınız!
Sizin Cənab Prezidentimiz İlham Əliyev tərəfindən mədəniyyətimizin inkişafında göstərdiyiniz xidmətlərə görə 1-ci dərəcəli "Əmək" ordeni ilə təltif olunmanız çox sevindirici bir haldır.
Sizi təltif olunmanız və doğum gününüz münasibətilə Milli Məclisin Mədəniyyət komitəsinin üzvləri adından səmimi qəlbdən təbrik edir, Sizə möhkəm can sağlığı, səadət və mədəniyyətimizin inkişafı yolundakı fəaliyyətinizdə daha da böyük uğurlar diləyirik! “
Xəbər lenti
Qərbi Azərbaycan İcmasından ABŞ Dövlət Departamentinə CAVAB
"Ermənistandan qovulmuş azərbaycanlıların qayıdış hüququna hörmət etməyə çağırırıq"