“Bu sanksiyalar bumeranq kimi Avropanın özünə qayıda bilər”

Qabil Hüseynli: “Avropa ilə münasibətlərin pozulmasına deyil, daha da inkişaf etdirilməsində maraqlıyıq”

“AŞPA-nın tətbiq etdiyi sanksiya ikilistandartların təzahürüdür. Yeni müstəqil dövlətlərə hər cür hüquqi yardım göstərmək əvəzinə, AŞPA-nın yürütdüyü bu cür  ikilistandartlar demokratiya və insan azadlıqlarına qarşıdır”.

Bunu Versus.Az-a politoloq Qabil Hüseynli AŞPA-nın  Azərbaycana qarşı tətbiq etdiyi sanksiyalarla bağlı şərhində bildirib.

Politoloq bildirib ki, AŞPA sanksiya tətbiq etməklə nəticə etibarilə Avropa üçün strateji əhəmiyyətə malik olan Azərbaycana qarşı ciddi problemlər yaradır.

“Bu sanksiyalar bumeranq kimi Avropanın özünə qayıda bilər. Avropa Azərbaycanın bir çox  layihələrindən, neft və qazından yararlanır. Yaxşı olardı ki, əlində olan dəyəri qiymətləndirməyi bacarsın. Bizlər Avropa ilə münasibətlərin pozulmasına deyil, daha da inkişaf etdirilməsində maraqlıyıq. Yaxşı olardı ki. Avropa da buna uyğun addımlar atsın”.

TAHİRƏ
Versus.Az