Bu partiyalar da maliyyə hesabatını MSK-ya təqdim edib

Mərkəzi Seçki Komissiyasına (MSK) daha üç partiya 2019-cu il üzrə maliyyə hesabatı təqdim edib. 

Versus.Az MSK-ya istinadən xəbər verir ki, bunlar Azərbaycan Sosial Rifah Partiyası, Vətəndaş və İnkişaf Partiyası və Azərbaycan Tərəqqi Partiyasıdır.

Beləliklə, dövlət qeydiyyatından keçmiş 55 partiyadan 35-i maliyyə hesabatını təqdim edib.

Xatırladaq ki, bundan öncə Azərbaycanda dövlət qeydiyyatına alınmış 55 siyasi partiyadan 32-i maliyyə hesabatını MSK-ya təqdim etmişdi. 

Qeyd edək ki, qanunvericiliyə əsasən, siyasi partiyalar illik maliyyə hesabatlarını auditor rəyi ilə birlikdə aprelin 1-dən gec olmayaraq MSK-ya təqdim etməlidir. Mərkəzi Seçki Komissiyası aprelin 1-dək illik maliyyə hesabatlarını auditor rəyi ilə birlikdə təqdim etməyən siyasi partiyalar barədə Ədliyyə Nazirliyinə məlumat verməlidir.