Fuad Əliyev: "Tibbi maska istehsalı vaxtında həyata keçirilən layihədir"

"Sumqayıt Kimya Sənaye Parkında “Bakı Tekstil Fabriki” MMC tərəfindən yaradılan tibbi maska istehsalı müəssisəsinin açılışı vacib və vaxtında həyata keçirilən bir layihədir".

Versus.Az xəbər verir ki, bunu Sumqayıtda tibbi maska istehsalı müəssisəsinin fəaliyyətə başlaması ilə bağlı açıqlamasında Azərbaycan Liberal Demokrat Partiyasının sədri Fuad Əliyev deyib.

F.Əliyev qeyd edib ki, xüsusilə də koronavirus pandemiyası ilə əlaqədar tələbatın kəskin artması səbəbindən bütün ölkələrdə tibbi ləvazimat və qoruyucu vasitələrin, o cümlədən maskanın böyük qıtlığı, istehsalçı ölkələrin isə tibbi maska ixracını dayandırması bir vaxtda bu fabrikin açılması mütləq idi:

"Hesab edirəm ki, daxili bazarın tələbatını ödəyəndən sonra, tibbi maskaların ixracını da fikirləşmək olar. Xüsusi karantin, bu müəssisənin açılışı və digər qabaqlayıcı addımlar virusun kütləvi yayılmasının qarşısını alacaq. Sadəcə, bir daha bildirmək istəyirəm ki, vətəndaşlar dözümlü, səbirli olsunlar, panikaya düşməsinlər". /avrasiya.net/

LƏMAN
Versus.Az