Prezidentin Koronavirusla Mübarizə çağırışına dəstək üçün siyasi mövqeyindən asılı olmayaraq hər kəs bu və ya digər şəkildə dəstək olmağa çalışır.
Versus.Az xəbər verir ki, belə bir addımı AXCP sədr müavini Ehtiram Mehtiyev də atıb.
Belə ki sədr müavini koronavirusun tüğyan etdiyi bu çətin günlərdə Suraxanı rayonu ərazisində "virusdan qorunaq" şüarı altında əsasən aztəminatlı ailələrə pulsuz tibbi ləvazimat, maska, əlcək və spirt paylayıb.
E.Mehtiyev bununla da bir xeyriyyə marafonu olmasını istədiyini vurğulayıb. O, imkanı olan dostlara da imkan daxilində, gücləri çatdığı qədər dövlətimizə, millətimizə dəstək olmaları üçün çağırış etdi:
"Çətin günün ömrü az olar. İnşallah ölkəmiz bu bəladan minimum itki ilə çıxacaq. Buna əmin olun! Tanrı dövlətimizi, millətimizi qorusun!"
SEVDA
Versus.Az