“Təbliği camaat” koronavirusun yayılmasında hansı rol oynayıb?

14:02 10-04-2020 | icon 771 | Cəmiyyət
“Təbliği camaat” koronavirusun yayılmasında hansı rol oynayıb?

Elxan Şahinoğlu: “Bu təşkilat müxtəlif dövlətlərdə qadağan edilib”

 

Hindistanda koronavirusa yoluxanların sayı Avropa ölkələrindəki qədər çox olmasa da, ölkə əhalisinin sayı Dehlidən virusla mübarizədə tədbirləri sərtləşdirməyi diqtə edir.

 

Versus.Az  xəbər verir ki, bu barədə “Atlas” Araşdırmalar Mərkəzinin rəhbəri Hindistanda pandemiyanın yayılması ilə bağlı açıqlamasında söyləyib.

 

Politoloq bildirib ki, indistanda ən böyük yoluxma halı martın 31-də qeydə alıb. Həmin tarixdə “Təbliği camaat”ın 2 min üzvü təşkilatın mənzil qərargahında toplanıb:

 

“Halbuki Hindistan hökuməti bütün toplantıları qadağan etmişdi. Nəticədə həmin toplantıya qatılanların 40 faizində koronavirus aşkarlanıb. Təşkilatın bundan bir neçə gün əvvəlki toplantısında isə 8 min nəfər iştirak edib. Toplantıda təşkilatın xarici ölkələrdəki iki minə yaxın nümayəndəsi də olub. Həmin toplantıya qatılan iştirakçıdan 10 nəfəri daha sonra koronavirusdan vəfat edib. Toplantıda iştirak edən xarici qonaqlar isə virusu təxminən 67 ölkəyə yayıblar. Halbuki Hindistanda 50 nəfərdən çox insanın bir yerə toplaşması qadağan edilib”.

 

E.Şahinoğlu vurğulayıb ki, hazırda Hindistan polisi bu toplantılarda iştirak edənləri axtarır ki, onlar karantinə alınsınlar və başqalarını xəstəliyə yoluxdurmasınlar. Politoloq qeyd edib ki, “Təbliği camaat” təşkilatının toplantıları ilə əlaqədar təxminən 21 min nəfər karantin altına alınıb. Təşkilatın liderinə qarşı cinayət işi açılıb.

 

“Təbliği camaat” təşkilatının Pakistanda da xeyli ardıcıllarının olduğunu deyən E.Şahinoğlunun sözlərinə görə, bu təşkilat eyni toplantılarını karantin müddətində Pakistanın da müxtəlif şəhərlərində keçirib:

 

“Pakistandakı toplantılarda on minlərlə insan iştirak edib. Daha sonra həmin toplantı iştirakçıları Pakistanın bütün əyalətlərinə geri qayıdıblar. Pakistan polisi eyni ilə Hindistan polisi kimi karatin müddətində toplantılarda itşirak edənləri müəyyənləşdirməyə çalışır. Pakistandakı toplantılarda iştirak edənlərin 154 nəfərində koronavirus aşkarlanıb. Pakistanda martın sonunda “Təbliği camaat”ın bütün məscidləri və mərkəzləri bağlanıb”.

 

Qeyd edək ki, “Təbliği camaat” təşkilatı 1926-cı ildə Hindistanda Məhəmməd İlyas tərəfindən yaranıb. Təşkilatın məqsədi özlərinin təbirincə desək, İslam dininin doğru təbliğ edilməsidir. “Təbliği camaat” siyasətə qarışmasa və terroru rədd etsə də, bu təşkilat müxtəlif dövlətlərdə qadağan edilib. Bu sırada Rusiya və Mərkəzi Asiya dövlətlərinin adını çəkmək olar.

 

E.Şahinoğlu qeyd etdi ki, Rusiya Federal Təhlükəsizlik Xidməti bu ilin fevral ayında keçirdiyi əməliyyat zamanı “Təbliği camaat” təşkilatının yeddi üzvünü saxlayıb. Moskva bölgəsində saxlanılanlardan 6-sı Qırğızıstan, biri isə Rusiya vətəndaşı olub. Rusiya Federal Təhlükəsizlik Xidmətinin məlumatına görə, saxlanılan şəxslər qruplaşmaya yeni üzvlər cəlb edərək onlarla “ideoloji maarifləndirmə” işi aparıblar. Həmin şəxslər sonradan Əfqanıstan və Pakistandakı təlim düşərgələrinə göndərilib:

 

““Təbliği camaat” təşkilatının məqsədi Rusiyada xəlifət yaratmaq olub. Qırğızıstanda “Təbliği camaat”ın 20 minə yaxın tərəfdarı var. Maraqlıdır ki, Qırğızıstan Mərkəzi Asiya ölkələrindən yeganəsidir ki, “Təbliği camaat” təşkilatının fəaliyyətini qadağan etməyib. Yeri gəlmişkən, Türkiyənin çağırışlarına baxmayaraq, Qırğızıstanda Fətullah Gülən şəbəkəsinə bağlı mərkəzlərin fəaliyyəti də qadağan edilməyib.

“Təbliği camaat” təşkilatının Pakistan və Banqaldeşdə hər il oktyabr ayında keçirdiyi toplantılara milyonlarla insan qatılır. Toplantıda alınan qərarların daha sonra digər dövlətlərə yayılmasına çalışılır. Bu zaman həmin qərarların yerlərdə icra edilməsi dövlətlərin qanunlarına zidd olur. Buna görə də təşkilatın fəaliyyətini qadağan edən ölkələrin sayı artır”.

 

SEVDA
Versus.Az

Xəbər lenti

InvestAZ

Ən çox oxunan xəbərlər

“Müdafiə naziri Paşinyanın vertalyotunu vurmalıydı” - MÜSAHİBƏ

“Zəli ilə müalicə heç bir mənfi təsir vermir”

Sabahdan 8 günlük bayram tətili başlayır

Prezident Ramazan bayramı münasibətilə Azərbaycan xalqını təbrik edib

Müəllimlərin onlayn müsahibələrinin nəticələri məlum olub

Partiya sədrindən RAMAZAN TƏBRİKİ

DADP sədri Azərbaycan xalqını təbrik etdi

Qaraciyər niyə böyüyür? - Səbəblər, fəsadlar

Qurd və parazitləri tökən balqabaq arağı resepti

"Şuşanıvur" heşteqi ilə qəzəbnak olmaq problemin həlli deyil

Ali təhsilli tibb bacısı ixtisası üzrə qəbul aparılacaq

İqbal Ağazadə QARABAĞIN AZADLIĞInı dilədi

Deputat Azərbaycan xalqını təbrik etdi

Pandemiyanın “ikinci dalğası” gözlənilir?

ALDP sədrindən RAMAZAN TƏBRİKİ