“Formula 1” könüllüləri qonşularına yardım paylayır - FOTO
“Formula 1” Azərbaycan Qran Prisinin könüllüləri və əməkdaşları “Könüllü Qonşu” aksiyasına qoşulub.
Bakı Şəhər Halqası Əməliyyat Şirkətinin (BŞH) promouteri olduğu “Formula 1” Azərbaycan Qran Prisi yarışlarının könüllüləri Azərbaycan Könüllülərinin Əlaqələndirmə Mərkəzinin (AKƏM) təşkilatçılığı ilə aprelin 6-dan etibarən keçirilən “Könüllü Qonşu” aksiyasında yaxından iştirak edərək, yardıma ehtiyacı olan qonşularına dəstək göstərirlər.
Aksiyanın keçirilməsində əsas məqsəd könüllülərin birbaşa iştirakı ilə koronavirus pandemiyası səbəbindən davam edən xüsusi karantin rejimi dövrünün tələblərinə müvafiq şəkildə, yaxın ərazidə olan ehtiyac sahiblərinə, xüsusən kimsəsiz olan əlillər və 65 yaşdan yuxarı ahıl şəxslərə gündəlik lazımi dəstəyin göstərilməsini təmin etməkdir.
“Formula 1” könüllüləri AKƏM-in təqdim etdiyi və həmçinin özlərinin hazırladığı elanları qonşuların görə biləcəyi yerlərə - binaların girişi və liftlərin yanına yerləşdirirlər. Bu elanlarda könüllülərin şəxsi əlaqə nömrələri də əks olunur. Köməyə ehtiyacı olan şəxslər bu nömrələrlə əlaqə saxlayaraq, ən qısa müddətdə öz ehtiyaclarını təmin edə bilirlər.
Yardım zamanı könüllülər xüsusi rejimin bütün tələblərinə ciddi şəkildə riayət edirlər. Belə ki, onlar SMS vasitəsilə müvafiq xidmətdən icazə alaraq, həmçinin əlcək və maska taxaraq, evdən çıxırlar, heç bir halda kömək göstərəcəyi şəxsin evinə daxil olmurlar, ünsiyyətdə olduqları insanlarla azı iki metr ara məsafəsi saxlayırlar və ərzaq və ya dərmanların alınması üçün ehtiyac sahiblərindən əvvəlcə pulu götürməklə zəruri məhsulları alaraq, qəbzi ilə birlikdə təqdim edirlər.
Xəbər lenti
Rusiya Moskva yaxınlığındakı terrorda "Ukrayna izi" TAPDI
İstintaq terror aktının icraçılarının Ukraynadan...