Düz Qırıqlı, Abulbəyli və Xatınlı kəndlərində yollar asfaltlanır

Tovuzda ümumi uzunluğu 36 km olan avtomobil yolları əsaslı şəkildə yenidən qurulur. Bu işlər Azərbaycan Avtomobil Yolları Dövlət Agentliyi (AAYDA) tərəfindən yüksək səviyyədə həyata keçirilir.

Versus.Az xəbər verir ki, Qovlar şəhərindəki sakinlər arasında Yanıq Pəyəyə gedilən yol kimi bilinən çox önəmli bir yol başa çatıb.

Millət vəkili Qənirə Paşayeva Əyyublu kəndindəki seçiciləri, o cümlədən bu layihəyə daxil olan digər kəndlərin sakinləri adından cənab Prezidentə və bu işdə əməyi keçən hər kəsə təşəkkürlərini ifadə edib:

"Azərbaycan Avtomobil Yolları Dövlət Agentliyinə millət vəkili kimi seçicilərim adından xahiş və müraciətimi nəzərə alaraq Düz Qırıqlı kəndimizdə 2, Abulbəyli kəndimizdə 1 və Xatınlı kəndimizdə 1 böyük və əhalinin daha çox istifadə etdiyi küçənin asfatlaşdırılmasını həyata keçirdikləri üçün dərin təşəkkürümü bildirirəm. Kəndlərimizdə yollarımızın düzəldilməsi ən vacib məsələlərdən biridir. Cənab Prezidentimizin bu istiqamətdə çox önəmli tapşırıqları var. İnanırıq ki, bundan sonra da kənd yollarımızın abadlaşdırılması istiqamətində işlər daha da sürətlənəcək".

Versus.Az