Deputat Səhiyyə Nazirliyi və “Azəriqaz”a çağırış edib
Qənirə Paşayeva: "Tovuzda bir sıra kənd xəstəxanaları, həkim məntəqələrinə qaz verilməməsi ciddi problemdir"
Millət vəkili, Mədəniyyət komitəsinin sədri Qənirə Paşayeva Milli Məclisin dünən keçirilən iclasında Tovuzun kəndlərində fəaliyyət göstərən bir sıra xəstəxana, həkim məntəqəsinə qaz verilməməsi problemindən danışıb və müvafiq qurumlara cağırış edib.
Versus.az xəbər verir ki, millət vəkili Tovuzun bir çox kəndlərində kəndə uzun zamandır qaz verilməsinə baxmayaraq xəstəxana, həkim məntəqələrinə qaz verilməsi probleminin bu günə qədər həllini tapmadığını bildirib.
O, qeyd edib ki, bu, həmin müəsisələrdə çalışan tibb işçilərinin həm də həmin xəstəxana, həkim məntəqəsinə müraciət edən insanların özəlliklə soyuq aylarda narazılığına səbəb olur. Q.Paşayeva məsələnin Səhiyyə Nazirliyi və “Azəriqaz” İstehsalat Birliyi arasında bu günə qədər həll oluna bilməməsindən qaynaqlandığını deyərək problemin həlli istiqamətində hər 2 quruma çağırış edib:
“Tovuzda bir sıra kənd xəstəxanaları, həkim məntəqələrinə qaz verilməməsi ciddi problemdir və onları bu problemi qısa zamanda həll etməyə çağırırıq”.
Versus.Az
Xəbər lenti
Bu qadınlar pensiyaya tez ÇIXACAQLAR
Həqiqətən övladlığa və qəyyumluğa götürülməyə ehtiyacı olan...