"Fənərbaxça"nın yeni baş məşqçisi deyir ki...
Ərsun Yanalla yollarını ayırdıqdan bəri baş məşqçi axtarışında olan "Fənərbaxça" yeni çalışdırıcısını müəyyənləşdirib.
Versus.Az xəbər verir ki, Türkiyə klubu Zaqreb "Dinamo"sunun sabiq çalışdırıcısı Nenad Belitsa ilə danışıqlara başlayıb.
Mirça Luçesku, Abdullah Avcı, Eusebio Di Françesko kimi mütəxəssislərin adlarını siyahıdan silən rəhbərlik bütün diqqətlərini xorvatiyalı çalışdırıcıya yönəldib. Hazırda işsiz olan 49 yaşlı məşqçi özü də bunu təsdiqləyib:
"Fənərbaxça" ilə danışığımız olub. Hələ dəqiqləşən bir şey yoxdur. Görüşlər davam edir".
Türkiyə mətbuatı rəhbərliyin Belitsa ilə ortaq məxrəcə gəlməyə çox yaxın olduğunu vurğulayıb. Tərəflərin illik 2 milyon avroluq maaşda anlaşdığı bildirilir.
Ardıcıl iki il Zaqreb "Dinamo"sunu ölkə çempionu edən Belitsanın komandası cari mövsüm də 18 xallıq fərqlə lider mövqeyində idi. Lakin rəhbərlik ondan icazəsiz koronavirus pandemiyası ilə əlaqədar futbolçuların və məşqçilər korpusunun maaşlarını azaldınca çalışdırıcı istefa verib.
Xəbər lenti
Xocalıda insan qalıqları AŞKAR EDİLİB
İtkin düşmüş, girov götürülmüş vətəndaşlarla əlaqədar...