Razi Nurullayevdən vətəndaşlarla banklar arasında yaranmış problemdən çıxış yolu TƏKLİFİ

“İstehlak kreditlərinin ödənilməsində vətəndaşlarla banklar arasında problemlər yaranıb”.

Versus.Az xəbər verir ki, bunu Milli Məclisin bu gün keçirilən iclasında  Azərbaycan Respublikasının Vergi Məcəlləsində dəyişiklik edilməsi haqqında qanun layihəsinin (ikinci oxunuş) müzakirəsi zamanı millət vəkili Razi Nurullayev deyib.

Millət vəkili bildirib ki, koronavirusla bağlı dünyada olan təcrübəni öyrənib ölkəmizdə tətbiq etmək olar:

“Azərbaycanda əksəriyyətin tez bir anda milyarder olmaq meyli var. Dünyada isə qoyulan sərmayələr 5-10 ildən sonra geri qayıdır. Təklif edirəm ki, əhalinin banklara borcunu indiki həssas dövrdə dövlət ödəsin, 4-5 aydan sonra isə vətəndaşlar banklara olan borcunu ödəyəndə banklar da dövlətin borcunu qaytarsın”.