Böyük babamın şərəfli yolu

13:07 09-05-2020 | icon 4232 | Uşaq Dünyası
Böyük babamın şərəfli yolu

Mənim ULU BABAM Böyük Vətən Müharibəsində qəhrəmancasına vuruşmuşdur. İndi isə Sizə canımdan çox sevdiyim nənəmin atası, böyük babam, başından və qolundan ağır yaralar almış ƏSGƏROV BALAY BALAKİŞİ OĞLUNUN (1912-08.03.1990) ŞƏRƏFLİ YOLUNDAN DANIŞMAQ İSTƏYİRƏM!

 
 
O, həmin böyük babam idi ki, onu Xocavənddə tanımayan yox idi. Sinəsindəki medalların sayı-hesabı da yox idi.
 
 
Böyük babam BALAY 1912-ci ildə doğma rayonum Xocavənd rayonunun Muğanlı kəndində anadan olmuşdu.
1941-ci ildə Böyük Vətən Müharibəsində qəhrəmancasına vuruşmuşdu. 1941-ci ildə müharibəyə başlayan vaxtlar ata olmuşdu. O zaman mənim nənəm dünyaya gəlmişdi. Onun muştuluğunu isə qardaşı Qaçay məktubda vermiş və adını da özü qoymuşdu.
 
 
Qaçay babam müharibədə topçu olmuş və müharibəyə atılsa da, bir daha geri qayıtmamışdır.
 
Balay babam Simferopol, Kursk kimi qanlı döyüşlərdə iştirak etmişdir. Həmin müharibələrdən birində başından və qolundan ağır yaralar almışdır və buna görə 1943-cü ildə ordudan tərxis olunmuşdu. Başındakı yara sağalsa da, qolundakı qəlpə onun ömrünün axırına kimi qolunda qalmışdı və qolu nazilmişdi.
 
 
Müharibədən qayıdandan sonra Xocavənddə quruculuq işlərində fəal iştirak etmişdir. Xocavənd rayonu (keçmiş Martuni) Qaradağlı kəndində kolxoz idarə heyətinin sədri, Muğanlı kəndində Partiya Şurasının sədri, Xocavənd Rayon Partiya Bürosunun Muğanlı kənd Şurasının sədri, Maldarlıq Kompleksinin sədri olmuşdur.
 
 
Babam Əmək Veteranı, Müharibə Veteranı, Böyük Vətən Müharibəsinin 20,30,40 illik medallarına və digər medallara layiq görülmüşdür.
 
Xocavənd rayonu üzrə(keçmiş Martuni) yeganə Azərbaycanlı olub ki, Rayon Partiya Bürosunun üzvü olub. İşində göstərdiyi nailiyyətlərə görə Moskvada keçirilən Xalq Təsərrüfatı Nailiyyətləri Sərgisinə nümayəndə olaraq göndərilmişdir.
 
 
Balay babam 20 Yanvar faciəsinə dözmədiyinə görə səhhətində problemlər yaranmış və 8 mart 1990-cı ildə vəfat etmişdir. Təəssüf ki, əzizlərinin Xocavəndin işğal olunacağına inanmadığı üçün Balay babamın medalları da, evi də, qəbri də Muğanlıda qaldı...
 
 
Allah Balay babam, Qaçay babam, Mayıl babama və bütün həyatda olmayan Veteranlarımıza rəhmət eləsin! AMİN!
 
 
ƏZİZ BABALARIM, MƏN SİZİ GÖRMƏSƏM DƏ SİZİNLƏ FƏXR EDİRƏM!
BİLİRƏM Kİ, DOĞMA XOCAVƏNDİN SƏNİ UNUTMUR!
 
 
 
SEVİNDİK NƏSİBOĞLU
/Xocavənd Əmirallar
/
Xocavənd 3 Saylı Məktəb/

Xəbər lenti

InvestAZ

Ən çox oxunan xəbərlər

Əfəndilər, Yardımlı da Azərbaycandır

Röyanın Moskva konserti təxirə salındı - SƏBƏB?

Moskvadakı dəhşətli terrorda ölənlərin sayı 150-yə çatıb

Rusiyada teraktda yaralananların durumu açıqlanıb

Ayılar üçün maraqlı əyləncə

Artritə səbəb olan 5 mühüm SƏHV

İdmançımız Almaniyada keçirilən turnirdə ikinci qızıl medalını qazanıb

Tarixçidən maraqlı faktlar

İtlər hətta simvolları da anlayırlar

Gündə 1 dəqiqə cəfəri çeynəyin

Şəfalı olduğu düşünülən bu bitkilər böyrəkləri çürüdür

Gimnastlarımız Dünya Kubokunda finala yüksəliblər

Dəri problemlərindən mərciməklə xilas olun

Bu iki ədviyyatı birgə istifadə edin

Ən sürətli qol