"İqbal Ağazadə nazirlikdəki yeyintidən hələ 2008-ci il parlamentində danışmışdı" - VİDEO
Tamilla Qulami: "Vəzifəsini itirəndən sonra məmurun qarasınca danışmağa nə var ki?"
"İndi Əbülfəs Qarayevin istefasını tələb etməyə, rüşvətdən danışmağa nə var ki? Hələ 2008-ci il Milli Məclisdə Mədəniyyət Nazirliyində baş verən israfçılıq və yeyintilər barədə İqbal Ağazadə öz çıxışında kifayət qədər faktlar irəli sürmüşdü".
Versus.Az xəbər verir ki, bu sözləri açıqlamasında Ümid Partiyasının sədr müavini Tamilla Qulami deyib.
Tamilla xanım vurğulayıb ki, ölkədə elə bir sektor yoxdur ki, İqbal bəy o sahədəki problemlərdən danışmasın, həll yolunu göstərməsin:
"Təəssüf edirəm ki, o məclisdə olan əksər parlament jurnalistləri indiyədək bu çıxışlar haqqında danışmayıb, insanları məlumatlandırmayıblar. Əslində bütün bunlar xalq üçün mübarizə apardıqlarını iddia edənlər tərəfindən vətən, millət adına yayılmalı idi. Hər kəs əlindən gəldiyi qədər iş görməliydi. Bu gün isə artıq hamı Əbülfəs Qarayevi hədəfə götürüb. Vəzifəsini itirəndən sonra məmurun qarasınca danışmağa nə var ki? Belə deyim, əldən hər şey çıxandan sonra müxalifət olmağa nə var?".
Qeyd edək ki, T.Qulami İ.Ağazadənin 2008-ci ildə Milli Məclisdə Mədəniyyət Nazirliyi ilə bağlı çıxışının video-görüntüsünü sosial şəbəkədə paylaşıb.
LƏMAN
Versus.Az
Xəbər lenti
Qərbi Azərbaycan İcmasından ABŞ Dövlət Departamentinə CAVAB
"Ermənistandan qovulmuş azərbaycanlıların qayıdış hüququna hörmət etməyə çağırırıq"