Mədəniyyət Komitəsinin sədri Xalq artisti Arif Quliyevi təbrik edib

11:39 14-05-2020 | 1205 | Mədəniyyət

Millət vəkili, Mədəniyyət Komitəsinin sədri Qənirə Paşayeva dəyərli aktyorumuz, Azərbaycan Respublikasının Xalq artisti Arif Quliyevlə görüşüb.

Versus.Az xəbər verir ki, Qənirə Paşayeva Mədəniyyət Komitəsi adından dəyərli aktyorumuz Arif müəllimi doğum günü və yubileyi münasibətilə təbrik edib.

Görüşdə geniş fikir mübadiləsi aparılıb. Mədəniyyət Komitəsinin sədri Q.Paşayeva dəyərli xalq artistimiz Arif müəllimə bundan sonrakı yaradıcılığında da uğurlar diləyib.

Millət vəkili, Mədəniyyət Komitəsinin sədri Qənirə Paşayevanın Azərbaycan Respublikasının xalq artisti, dəyərli aktyorumuz Arif Quliyevə ünvanladığı təbrik məktubunda qeyd olunur:

“Azərbaycan Respublikasının Xalq artisti Arif Quliyevə

Hörmətli Arif müəllim!

Siz Azərbaycan teatr və kino sənətinin inkişafında əvəzsiz xidmətləri olan, komediya janrında bir çox unudulmaz obrazlara adını həkk etmiş dəyərli sənətkarımızsınız.

Sizi yubileyiniz münasibətilə Milli Məclisin Mədəniyyət komitəsinin üzvləri adından səmimi qəlbdən təbrik edir, Sizə möhkəm can sağlığı, səadət, firavanlıq və Azərbaycan mədəniyyətinin inkişafı yolundakı fəaliyyətinizdə daha da böyük uğurlar diləyirik".