"Onlar dünyamızı gözəl və saf gülüşləri ilə bəzəyirlər"
Azərbaycanın dünya miqyasında tanınan kardiocərrahı, tibb elmləri doktoru, millət vəkili Rəşad Mahmudov daun (down sindromu) sindromlu körpə üzərində əməliyyat icra edib.
Versus.Az-ın məlumatına görə, son dərəcə mürəkkəb və risk tələb edən uğurlu əməliyyatdan sonra pasiyentin heç bir həyati təhlükəsi yoxdur və o özünü yaxşı hiss edir.
Əməliyyat öncəsi Rəşad Mahmudov öz duyğularını bu cür ifadə edib:
"Daun xəstəlik yox, genetik bir fərqlilikdir, daha doğrusu bir ayrıcalıqdır. Səbəbi, hamımızda olan 46 xromosom yerinə, 47 xromosomun olmasıdır. Demək ki, daun genetik 1 əksiklik yox, əksinə +1 üstünlükdür".
R.Mahmudov daha sonra qeyd edib ki, uşaqlar dünyamızı gözəl və saf gülüşləri ilə bəzəyirlər. Amma bəzən xəstələnir, bəzən də əməliyyata bir az gecikirlər.
SEVDA
Versus.Az