Sərdar Cəlaloğlu: “Biz haqlıyıq və haqlı olduğumuzu müharibə yolu ilə dünyaya sübut etməliyik”

“Bu, Azərbaycan xalqının hissiyyatı ilə oynamaq, beynəlxalq hüquqa tüpürməkdir”.

Bunu Versus.az-a ADP sədri Sərdar Cəlaloğlu Şuşanı işğal edən erməni separatçılarının bu gün “prezidernt seçkilərini” bayram etməsi ilə bağlı açıqlamasında bildirib.

Partiya sədri qeyd edib ki, ermənilər bu hərəkətləri ilə istər Bişkek Protokolu, istərsə də sonrakı illərdə əldə olunan bütün öhdəlikləri pozub:

“Ona görə də Azərbaycan təcili surətdə hərbi əmliyyatlara başlayıb torpaqlarını qarış-qarış azad etməlidir. Bu gün Azərbaycan Şuşada “inaqurasiya” mərasiminə hərbi əməliyyatla cavab verməlidir. Əks halda bu, millət üçün çox böyük psixoloji basqı olacaq”.

S.Cəlaloğlu bildirib ki, nəhayət anlamaq lazımdır ki, erməni üçün danışıqların heç bir əhəmiyyəti yoxdur. Partiya sədri bəyan edib ki, errməni işğalçıdır və bundan sonra “bu yolla Azərbaycanı təxribata çəkir” kimi fikirlər məntiqsizdir:

“Ermənilər bu hərəkətləri ilə nümayiş elətdirirlər ki, bunlar işğal olunmuş əraziləri ilhaq ediblər. Onlar üçün nə atəşkəs, nə danışıqla”? Erməni guya nə vaxt atəşkəsə əməl edb? Ona görə də Azərbaycan öz ərazilərini beynəlxalq hüquqa uyğun istənilən vasitələrlə təcili azad etməlidir”.

LƏMAN
Versus.Az