İtaliya Kubokunda final matçının vaxtı açıqlandı
643 |
İdman
İtaliya Kubokunun yarımfinal və final matçlarının vaxtı müəyyənləşib.
Versus.az xəbər verir ki, İtaliyanın idman naziri Vinçentso Spadafora koronavirus pandemiyası səbəbindən təxirə salınan kubokun yarımfinal mərhələsinin iyunun 12-də bərpa olunacağını açıqlayıb.
Həmin gün "Yuventus"la "Milan" birincilərin meydanında üz-üzə gələcək. Ertəsi gün "Napoli" ilə "İnter" Neapolda qarşılaşacaq. Final görüşü isə iyunun 17-də reallaşacaq.
"Mövsümü İtaliya Kuboku ilə bərpa edəcəyik. Oyunlar televiziya vasitəsilə canlı yayımlanacaq", - deyə Spadafora ümidli danışıb.
Qeyd edək ki, ilk oyunlarda "Napoli" "İnter"i səfərdə 1:0 hesabı ilə məğlub edib, "Milan"la "Yuventus" Milanda qollu bərabərə (1:1) qalıb. İtaliya A seriyasında isə mövsüm iyunun 20-də bərpa olunacaq. (APA)
Xəbər lenti
Azad Xankəndinin ilk körpəsi ilə bağlı PAYLAŞIM
33 ildən sonra ilk azərbaycanlı körpənin dünyaya...
