Avtobuslarda kondisionerlər işləmir
Bakı Nəqliyyat Agentliyi qadağanın səbəbini AÇIQLADI
İyunun 8-də saat 18:30-19:00 radələrində metronun “Neftçilər” stansiyasınındakı dayanacaqda olarkən, 81 saylı avtobusun (eyniləşdirmə nömrəsi 01026) sərnişinləri kondisioneri işə salmağı xahiş etsələr də, sürücü bunun Agentlik tərəfindən qadağan olunduğunu bildirib. “Kimin narazılığı varsa, Bakı Nəqliyyat Agentliyinə müraciət etsin”, - deyən sürücü bu qərarın parlamentdə də müzakirə olunduğunu iddia edib.
Versus.Az xəbər verir ki, məsələ ilə bağlı BNA-nın mətbuat katibi Mais Ağayev bildirib.
Onun sözlərinə görə, mövcud pandemiya şəraitində avtobuslarda sərinləndirmə sistemlərinin işə salınması ilə əlaqədar Nazirlər Kabineti yanında Operativ Qərargahın tibbi bölməsi TƏBİB-lə məsləhətləşmələr aparılır:
“TƏBİB-in tövsiyəsinə əsasən, avtobuslarda havanı daxildə dövr etdirən sərinləndirmə sistemlərinin işə salınmasına məhdudiyyət qoyulub. Bildirilib ki, havanın daxildə dövr olunması COVID-19 infeksiyasının yayılma riskinin artırır. Həmçinin, bildiririk ki, avtobuslarda havalandırma sisteminin işə salınması ilə əlaqədar TƏBİB-lə müzakirələr davam etdirilir. Beynəlxalq təcrübə də nəzərə alınmaqla müəyyən qaydalar üzərində iş aparılır”.
“Yekun qərar və qaydalar qəbul olunacaq və bu barədə əlavə məlumat veriləcək. Buna qədər isə avtobuslarda pəncərələri açıq saxlamaqla təbii havalandırmanın təmin olunması ilə bağlı göstəriş verilib. Qeyd olunanları nəzərə alaraq sərnişinlərimizdən məsələlərə anlayışla yanaşmalarını xahiş edirik” - deyə, BNA rəsmisi bildirib.
Xəbər lenti
Kirəcləşmə, duzlaşma oynaq xəstəliyi - osteoartrit
“Qığırdaq aşındıqca oynaq yükdaşıma, hərəkət kimi funksiyalarını itirir”