Deputatdan həyəcan TƏBİLİ
Sabir Rüstəmxanlı: “Neftçalada insanlar içməyə su tapmır”
"Neftçalada heyvanların belə su içməsi mümkün deyil”.
Versus.az xəbər verir ki, bunu Milli Məclisin bu gün keçirilən növbədənkənar sessiyasının dördüncü iclasında çıxış edən deputat Sabir Rüstəmxanlı deyib. O bildirib ki, Kür çayının səviyyəsi enir və ona dəniz suyu qarışır.
“Nəticədə, su şorlaşır. Heyvanlar susuzluqdan qırılır, bostanlar quruyur. İnsanlar içməyə su tapmır”, - deyə, S.Rüstəmxanlı əlavə edib.
Deputat qeyd edib ki, Kür çayından Neftçalaya içməli suyun verilməsi üçün boru çəkilməsi nəzərdə tutulurdu, bunun üçün 5 milyon manat ayrılmışdı:
“Ancaq həmin su kəməri çəkilmədi. Neftçalada su problemi ilə bağlı həyəcan təbili çalıram. Bu gün problemdən çıxış yollarından biri də dəniz suyunun şirinləşdirilməsidir”.
Xəbər lenti
Azərbaycanda zəlzələ olub
Gəncə stansiyasından 17 km şərqdə, Goranboyda...