"İsraildə diplomatik nümayəndəliyimizi açmağın tam zamanıdır"

21:13 19-06-2020 | 399 | Siyasət

Əlisahib Hüseynov: "Biz bu rəqabətdə üstünlüyümüzü heç bir halda düşmənə verməməliyik"

"Ermənistanın eyni vaxtda iki stulda əyləşməyə çalışması bütün ermənilərin ənənəvi xüsusiyyətidir. İslam ölkəsi sayılan İranla çox sıx dostluq və müttəfiqlik münasibətlərində olan Ermənistan indi də İsrail ilə münasibətlərini isti notlar üzərinə kökləməyə çalışır. Bu isə əsl nonsensdir".

Versus.Az xəbər verir ki, bu fikri açıqlamasında Demokratik Azərbaycan Dünyası Partiyasının (DADP) sədri

Əlisahib Hüseynov bildirib.

Partiya sədri qeyd edib ki, İranla qardaşlıq iddiasında olan bir ölkənin İsraillə geniş siyasi-diplomatik əlaqələr qurmaq planları heç şübhəsiz ki, xoş niyyətlərdən xəbər vermir:

"Ermənistanın bu planları Azərbaycanla bütün sahələrdə rəqabətin bir parçasıdır. Biz bu rəqabətdə üstünlüyümüzü heç bir halda düşmənə verməməliyik. Düzdür, ölkəmizin indiyə qədər Təl-Əvivdə səfirliyi olmasa da, ancaq Azərbaycanla İsrail arasında əlaqələr kifayət qədər yüksək səviyyədədir. Lakin indi İsraildə səfirliyimizi açmağın zamanı artıq gəlib çatıb. Nəzərə alsaq ki, vaxtilə Azərbaycanda ilk səfirlik açan ölkələrdən biri də məhz İsraildir, indi də bizim cavab addımı atmağımızın, strateji müttəfiqimizin paytaxtında diplomatik nümayəndəliyimizi açmağın tam zamanıdır".

SEVDA
Versus.Az