"Bəzi redaksiyalar var ki, mövcud deyillər, amma vəsiqə paylayırlar"
Müşfiq Ələsgərli: "Bu qərar müəyyən mənada jurnalistlərin özləri üçün də faydalıdır"
“Keçən dəfə də belə bir qərar qəbul olunmuşdu. Sonra Mətbuat Şurası danışıqlar apardı və məsələni yoluna qoymaq mümkün oldu. Bu dəfə də məsələ gündəmdədir və Mətbuat Şurasının sədri əlaqə saxlayıb danışıqlar aparır”.
Versus.Az xəbər verir ki, bunu açıqlamasında Mətbuat Şurasının sədr müavini Müşfiq Ələsgərli deyib.
O, Operativ Qərargahın jurnalistlərlə bağlı qəbul etdiyi qərarın əslində onlar üçün faydalı olduğunu bildirib:
“Operativ Qərargah tərəfindən kütləvi informasiya vasitələrinin fəaliyyətinə ümumilikdə icazə verilib. Kimlərinki sənədləri qaydasındadı qərargahın saytında qeydiyyatdan keçərək işinə davam edir. Bu, birinci dəfə də belə olmuşdu. Vəziyyət sərbəst fəaliyyət göstərən jurnalistlər üçün çətinləşir. Keçən dəfə də belə bir qərar qəbul olunmuşdu. Sonra Mətbuat Şurası danışıqlar apardı və məsələni yoluna qoymaq mümkün oldu. Bu dəfə də məsələ gündəmdədir və Mətbuat Şurasının sədri əlaqə saxlayıb danışıqlar aparır. Əgər bir yenilik olarsa, məlumat veriləcək".
M.Ələsgərli qeyd edib ki, burda hüquq və ya qanun pozuntusundan söhbət gedə bilməz. Belə ki sənədləri qaydasında olan KİV nümayəndələrinin fəaliyyətinə icazə verilib:
"Əslində bu, sui-istifadə hallarının qarşısını almaqdan ötrüdür. Bilirsiniz ki, bu sahədə müəyyən saxtakarlıqlar var. Bəzi redaksiyalar var ki, ümumiyyətlə, özləri mövcud deyil, amma onlarla adama vəsiqə paylayırlar. Dırnağarası KİV-ləri bu fürsətdən istifadə edərək problemlər yaradırdılar. Yəni bu hal onun qarşısını almaqdan ötrüdür. Əslində müəyyən mexanizmlərin tətbiq olunması lazımdır ki, real çalışanlarla, çalışmayanlar arasında fərq bilinsin. Bu qərar müəyyən mənada jurnalistlərin özləri üçün də faydalıdır. Rəhbərlik əməkdaşıyla müqavilə bağlamalıdır ki, o, sərbəst işləyə bilsin”.
Qeyd edək ki, Nazirlər Kabinetinin Mətbuat katibi İbrahim Məmmədov 21 iyundan 5 iyula kimi karantin rejimi müddətində jurnalistlərin vəsiqəylə hərəkət edə bilməyəcəklərini açıqlayıb.
PƏRİ
Versus.Az
Xəbər lenti
4 kəndin qaytarılmasına Rusiyadan REAKSİYA
Sərhəd xəttinin bu hissələrinin təsviri koordinatları...