Mətbuat Şurasının jurnalistlərlə bağlı müraciəti HƏLL OLUNDU

"Mətbuat Şurasının VÖEN əsasında fəaliyyət göstərən jurnalistlərlə bağlı müraciəti müsbət yöndə həll olundu".

Versus.Az xəbər verir ki, bu barədə Mətbuat Şurasının müavini Müşfiq Ələsgərli bildirib:

"Məlumat vermişdik ki, Nazirlər Kabineti yanında Operativ Qərargahın 21 iyun- 5 iyul tarixləri üçün elan etdiyi xüsusi karantin rejimi müddətində fəaliyyətinə icazə verilən sahələr sırasında KİV-lər də yer alıb. KİV-lərin əməkdaşlarının hərəkətinə onlar barəsində məlumatların “icaze.e-gov.az” portalına daxil edilməsindən sonra yol verilir.

Əmək müqaviləsi olmadan, xidməti müqavilə əsasında çalışan jurnalistlərin məsələsi açıq qalmışdı ki, bu da həmin kateqoriyalı jurnalistlərdə narahatlıq yaratmışdı. Onların da gündəlik işə gəlib-getməsi zərurətini nəzərə alaraq Azərbaycan Mətbuat Şurasının sədri Əflatun Amaşov NK yanında Operativ Qərargahla danışıqlar aparıb (http://www.tezadlar.az/index.php…).

Artıq NK OQ açıqlama yayaraq mülki hüquqi müqavilə əsasında fəaliyyət göstrərən jurnalistl'rin məsələsinə aydınlıq gətirib. Bildirilib ki, VÖEN əsasında fərdi fəaliyyət göstərən şəxslər barədə məlumatlar onların özləri tərəfindən gücləndirilmiş elektron imzadan istifadə etməklə icazə.e-gov.az portalına daxil edildikdən sonra hərəkətinə yol verilir.https://nk.gov.az/az/article/904/

PƏRİ
Versus.Az