"Karantin şərtlərinə qeyd-şərtsiz əməl edin"
Fuad Əliyev: "Partiya üzvlərimizə qərargaha gəlməyə yasaq qoymuşuq"
“Yenidən iki həftəlik karantin rejimi elan olunmasına baxmayaraq, biz ALDP olaraq tam fəaliyyətsiz qalmamağa çalışırıq".
Versus.Az xəbər verir ki, bu sözləri Azərbaycanda iyunun 21-dən etibarən gələn ayın 5-nə qədər koronavirusla bağlı tətbiq edilmiş xüsusi karantin rejimində partiyaların fəaliyyəti ilə bağlı açıqlamasında Azərbaycan Liberal Demokrat Partiyasının (ALDP) sədri Fuad Əliyev deyib.
Partiya sədri işlərini davam etdirdiklərini söylədi:
"Təbii ki, bunu özümüzün və digərlərinin sağlamlıqlarını təhlükəyə ata biləcək karantin şərtlərini pozmamaq şərti ilə edirik. Müasir texnologiyaların yaratdığı imkanlardan istifadə edərək, artıq ənənəvi onlayn iclasları keçiririk. Buna baxmayaraq, həm mən, həm də partiya rəhbərliyinə daxil olan şəxslər imkan olduqca partiyanın ofisində də oluruq. Amma partiya üzvlərimizə qərargaha gəlməyə yasaq qoymuşuq".
F.Əliyev vurğuladı ki, ALDP üçün hazırda ən vacib məsələ xalqımızın sağlamlığı və təhlükəsizliyidir:
"Odur ki, bu istiqamətdə üzərimizə düşəni edirik və bundan sonra da edəcəyik. Artıq xəstəxanalarda yer olmadığına görə koronavirus xəstələri də qəbul etmirlər, deyirlər ev şəraitində müalicə alın. Ona görə karantin şərtlərinə qeyd-şərtsiz əməl etməyi vətəndaşlardan xahiş edirəm”.
LƏMAN
Versus.Az
Xəbər lenti
Diabet olmayanlarların DİQQƏTİNƏ
Şəkəri ölçən cihazlardan istifadə etməyin