"Prezidentin təklifini 130-dan çox dövlətin dəstəkləməsi müsbət haldır"
Lalə Quliyeva: "BMT iclaslarında qaldırılan məsələlərə çox zaman yekdilliklə səs verilmir"
"BMT-yə üzv ölkələrin heç biri bu təşəbbüsdə olmadı".
Versus.Az xəbər verir ki, bu fikri açıqlamasında ALDP Qadınlar Şurasının sədri Lalə Quliyevə bildirib.
L.Quliyeva qeyd edib ki, dövlət başçısı İlham Əliyevin təşəbbüsü ilə BMT Baş Assambleyasının COVİD-19-a qarşı mübarizəyə həsr olunmuş xüsusi sessiyasının keçirilməsi təklifini 130-dan çox dövlətin dəstəkləməsi müsbət haldır:
"Bu məsələnin çox böyük əhəmiyyəti var. Artıq 4 ay ərzində 10 milyon insan koronavirusa yoluxub və bu say artmaqdadır. Dünyada gözə görünməyən düşmənlə mübarizə aparılır. 500 mindən şox insan bu "müharibə"nin qurbanı olub".
ALDP Qadınlar Şurasının sədri çox maraqlı bir faktı da diqqətə çatdırıb. Bildirib ki, BMT Baş Assambleyasının iclaslarında qaldırılan məsələlərə çox zaman yekdilliklə səs verilmir:
"Bu məsələdə isə bir ölkə əleyhinə səs verdi, qalan ölkələr Prezidentin təşəbbüsünü dəstəklədi. Bizim ölkə üçün bu çox yaxşı haldır. Baxın, pandemiya demək olar ki, yanvar ayından dünyada tuğyan edir. Baxmayaraq ki, artıq 6 aydan çox bütün ölkələrdə yoluxma, ölüm halları qeyd olunur, ancaq BMT-yə üzv ölkələrin heç biri bu təşəbbüsdə olmadı. Bu məsələdə Azərbaycanın təşəbbüskar olmağı və bu qədər ölkələrin dəstəyini alması sevindirici haldır”.
LƏMAN
Versus.Az
Xəbər lenti
Xocalıda insan qalıqları AŞKAR EDİLİB
İtkin düşmüş, girov götürülmüş vətəndaşlarla əlaqədar...