Səudiyyə Ərəbistanı 2 ölkəyə ultimatum verdi

Səudiyyə Ərəbistanı OPEK+ ölkələrinə ultimatum verib.

Versus.az xarici KİV-ə istinadən xəbər verir ki, rəsmi Ər-Riyad Azərbaycanın da üzv olduğu sazişin bəzi ölkələr tərəfindən pozulduğunu, onların neft hasilatını azaltmadıqlarını bildirib.

Səudiyyə Ərəbistanının energetika naziri Əbdüləziz ben Salman Anqola və Nigeriyaya ultimatum irəli sürüb. O, hər iki ölkənin hasilatını azaltmadığı üçün əlavə kompensasiya ödəməli olduğunu deyib. Bundan başqa, həmin ölkələrin neft satışını pozmaq üçün müştəri ölkələrə daha ucuz qiymətə “qara qızıl” satacaqları ilə hədələyib.

Xatırladaq ki, dünya bazarlarında qeyri-müəyyənlik martın 6-da başlayıb. OPEK+ ölkələrinin neft hasilatı ilə bağlı yekun qərar verə bilməməsi qiymətləri 30% ucuzlaşdırmışdı.