Bu nə gülüşdür, cənab general?!

ÜLVİYYƏ ABIŞOVA

İctimai aktivist, Versus.Az-ın köşə yazarı Ülviyyə Abışova iyulun 13-dən 14-ə keçən gecə Azərbaycan-Ermənistan dövlət sərhədinin Tovuz istiqamətindəki mövqelərimizi ələ keçirmək məqsədilə artilleriya atəşindən istifadə edərək hücuma keçməyə cəhd göstərən düşmənlə şiddətli döyüşlər zamanı şəhid olan Azərbaycan Ordusunun general-mayoru, 1975-ci il təvəllüdlü Polad Həşimovun və digər şəhidlərimizin xatirəsini əziz tutaraq “Bu nə gülüşdür, cənab General” adlı şeir yazıb.

Bu şeir Polad Həşimovun timsalında bütün şəhidlərimizə ittihaf edilib. Həmin şeiri təqdim edirik:

Bu nə gülüşdür, cənab general?!

- Bu nə gülüşdür, cənab general?!
Şəhadət xəbərin yurdu ağlatdı...
Getdin, bir Şərəf yolu açdın ardınca,
Bir anda ucaldı şöhrətin-şanın,
Mərdliyin dillərdə dastantək gəzdi...
Qəlblərdə bir anda zirvəyə qalxdın...
Şərəf abidəsi ucaldı sənə...
O zirvə - abidə elə yerdə ki,
Ayaqlar altına düşməz heç zaman...
Bu nə gülüşdür, cənab general?!
Ruhun göylərə heç yetişmədən,
Ünün hər yerə çatdı bir anda...
Bu nə gülüşdür, cənab general?!
- Şəhadət müjdəsi qonmuş çöhrəmə...
-...
Qələbə müjdəsin də qoy versin bizə,
Alınsın Qarabağ, sevinsin ruhun
Bu şəhadətə...

/14.07.2020/