“Dövlətimizə və ordumuza dəstək şüarlarını həzm edə bilmədilər”

13:47 15-07-2020 | icon 288 | Siyasət
“Dövlətimizə və ordumuza dəstək şüarlarını həzm edə bilmədilər”

Könül İsmayılova: “Siz erməni dəyirmanına su tökdükcə, düşmənin çax-çuxu hələ başımızı çox ağrıdacaq”

 

Ötən gecə Bakıda minlərlə insan cəbhədə Vətən uğrunda mübarizəyə atılan hərbçilərimizə dəstək aksiyası keçirdi. Şəhərin müxtəlif küçələrindən başlayan həmrəylik yürüşü Şəhidlər Xiyabanı yaxınlığında – Milli Məclisin binası qarşısında davam etdirilib. Ancaq aksiyanın gedişində təxribatçı qüvvələr yaranmış şəraitdən öz məqsədləri üçün istifadə etməyə çalışıblar. Milli Məclisin binasını tutmağa cəhd edən həmin qüvvələr insanların bu əzmini, hərbçilərə dəstək aksiyasını başqa səmtə yönəltməyə çalışıblar. Həmin qrup insanları parlament binasına yönləndirməklə provaksiyaya əl atıblar.

 

Bununla bağlı Versus.Az-a açıqlama verən Müasir Müsavat Partiyasının sədr müavini Könül İsmayılova hesab edir ki, bu təxribatın arxasında “5-ci kolon” və Azərbaycanın daxilindəki ermənipərəst qüvvələr dayana bilər.

 

Hiddətini gizlətməyən siyasətçi xanım vurğuladı ki, xain qüvvələr fürsəti fötə vermək istəməyiblər. O, təxribatçılara müraciətlə - “5-ci kolon” və daxildəki iyrənc ermənilər siz kimə işləyirsiz? Müharibə cəbhədə gedir, Bakıda yox, belə hünərlisinizsə, döyüş zonasına gedib gücünüzü erməniyə göstərin. Sizlər erməni dəyirmanına su tökdükcə, düşmənin çax-çuxu hələ başımızı çox ağrıdacaq”- dedi.

 

K.İsmayılova təxribatçı qüvvələrin bu hərəkətlərlə şəhidlərin ruhuna da xəyanət etdiklərini qeyd etdi:

 

“Bu xainlər xalqımızın öz şəhidini alqışlarla qarşılaması, dövlətimizə və ordumuza dəstək məqsədilə şüarlar səsləndirməsini, Qarabağ uğrunda müharibəyə hazır olduqlarını bəyan etmələrini həzm edə bilmədilər. Xaincəsinə Milli Məclisin şüşələrini qırdılar, içəri basqın etdilər. Bununla da yürüşün mahiyyətini dəyişməyə cəhd etdilər”.

 

K.İsmayılova bildirdi ki, Azəbaycan demokratik, sivil dövlət olduğu üçün burda şüşə qırmaqla, Milli Məclisə hücum etməklə nəyinsə dəyişəcəyini düşünmək sadəlövhlükdür:

 

“Amma çox sevinirəm ki, təxribat tam mənası ilə baş tutmadı, insanları provakasiyaya cəlb edib daha böyük problemlər yaratmadılar. O qüvvələrə demək istəyirəm ki, belə bir gündə bu hərəkətlərinizlə bir daha məğlubsunuz. Milli addıma kölgə salmaq istəyiniz ürəyinizdə qalıb və qalacaq. Çünki Azərbaycan xalqı bir nəfər kimi Ali Baş Komandanın ətrafında sıx birləşməkdədir”.

 

PƏRİ
Versus.Az

Xəbər lenti

InvestAZ

Ən çox oxunan xəbərlər

Yeni zəfər tarixini yazan əsgərlərdən biri - İLQAR BÜRCƏLİYEV

Prezident və Birinci vitse-prezident Ağdama səfər ediblər - VİDEO

“Ağdamın yerində xarabalıq görmək məni çox incidir” - MÜSAHİBƏ

Biri şəhid, biri qazi olan qardaşlar - VİDEO

Cavidin timsalında şəhidlərimizə deyəcək bir sözümüz var: SAĞ ƏLİNİ BAŞIMA ÇƏK, ŞƏHİDİM!

ADI KİMİ VÜQARLI...

Nazirlik qazimizlə bağlı hərəkətə keçdi - FOTO

Ordumuz Kəlbəcərə iki istiqamətdə daxil olub

Kəlbəcər, xəyalların çin oldu, GÖZÜN AYDIN AZAD VƏTƏN!

Türkiyə səfirliyindən Azərbaycana təbrik - FOTO

Hərbçilərimiz Ağdamda Səxavət Məmmmədovun qəbrini tapdılar - VİDEO

Salam, əziz KƏLBƏCƏR, biz GƏLdik, biz BACARdıq!

Səfərbərliyə cəlb edilən tələbələrə akademik məzuniyyət veriləcək

Azərbaycanlı hərbçilər Kəlbəcərdə - FOTO

Xudaya yar olan şəhidimiz - VİDEO