"Qaçqın problemi indi bütün dünyanı silkələyən problemə çevrilib"

18:34 20-06-2018 | icon 194 | Siyasət
"Qaçqın problemi indi bütün dünyanı silkələyən problemə çevrilib"

O zaman Azərbaycanı titrədən qaçqın problemi indi bütün dünyanı silkələyən problemə çevrilib.

 

Versus.Az xəbər verir ki, bunu Baş nazirin müavini Əli Əhmədov Ümumdünya Qaçqınlar Günü ilə bağlı keçirilən tədbirdə deyib.

Ə.Əhmədov qeyd edib ki, Azərbaycanda 10 milyon əhalinin bir milyondan çoxu qaçqın və məcburi köçkün vəziyyətindədir. Yəni ölkədə hər 10 nəfərdən biri qaçqındır:

 

"Halbuki dünyada olan əhali ilə qaçqınların sayını müqayisə etdikdə, yüzlərlə insana bir qaçqın düşür. Bu, qaçqın və məcburi köçkün probleminin Azərbaycanda nə qədər ciddi olduğunu göstərir. Görünür, dünyada ədalətsizlik baş alıb gedir ki, qaçqın və məcburi köçkün problemi yaranıb. Dünyada separatizm, başqa ərazilərə göz dikmək olmasaydı, qaçqın problemi də bu qədər ağır məhrumiyyətlərə səbəb olmazdı".

 

Baş nazirin müavininin sözlərinə görə, Azərbaycanın bir milyondan artıq insanının bu vəziyyətdə yaşamasına göz yumulursa, bu problem Azərbaycanda yarananda lazımi diqqət göstərilmirdisə, düşünmək lazım idi ki, bu problem bir ölkə çərçivəsindən çıxaraq bütün dünyanı əhatə edəcək:

 

"O zaman Azərbaycan xəbərdarlıq edirdi, ancaq Azərbaycana lazımi diqqət göstərilmədi. Ona görə də o zaman Azərbaycanı titrədən bu problem indi bütün dünyanı silkələyən problemə çevrilib".

 

Ə.Əhmədov vurğulayıb ki, Azərbaycanda hökumətin səyləri nəticəsində qaçqın və məcburi köçkün probleminin kəskinliyi nisbətən azalıb:

 

"Qaçqın və məcburi köçkünlərin məişət problemini həll etmək, onların yaşayış şəraitini yaxşılaşdırmaq olar, lakin insan nə qədər ki, öz doğma torpağına qayıtmayıb, mənəvi əziyyət çəkəcək. Artıq 30 il keçib. Daha nə qədər vaxt keçməlidir ki, onların köçkünlük həyatına son qoyulsun, öz doğma torpaqlarına qayıtsınlar? Bütün dünya qaçqın problemini aradan qaldırmaq, bu problemin daha da dərinləşməsinin qarşısını almaq üçün öz səylərini göstərməlidir. Hesab edirəm ki, Azərbaycanın səsini vaxtında eşitməyən təşkilatlar indi eşidərlər".

Xəbər lenti

InvestAZ

Ən çox oxunan xəbərlər

Qənirə Paşayeva Hatay vilayətində türk dünyası gəncliyinə çağırış edib

Ruhən "xəstə" olan insanlara meydan oxuyan xanım

Versus.Az Talk TV kollektivini təbrik edir

““Yeni” dediyiniz qüvvələr artıq özləri “köhnə”lərə qarmaq atırlar” - MÜSAHİBƏ

“Müxalifətin içərisinə 30 illik minalar basdırılıb” - MÜSAHİBƏ

“Mənim üçün şeir yazmaq Tanrıyla, kağızla ehtiraslanmaqdır”

İlyas İsmayılovun oğlu öldürüldü

Xərçəngin yayılmasının ağlagəlməz səbəbləri

Restoranlar barəsində tədbirlər görülməyə başlanıldı

APA-nın əməkdaşı prezidentdən kömək istədi - MÜRACİƏT

AXCP Oğuz rayon şöbəsinin sədrinə və üzvlərinə təzyiqlər davam edir

ALDP-də yağışdan sonra yaranan vəziyyət müzakirə edilib

Azərbaycanda müəllimlərin sertifikatlaşdırılmasına başlanacaq

"At qripi"

Əlil arabasında hərəkət edənlər də istifadə edə biləcək