Senator Ermənistan silahlı qüvvələrinin təxribatını kəskin qınayıb

Milli Məclisin Mədəniyyət Komitəsinin sədri Qənirə Paşayevanın rəhbərlik etdiyi Azərbaycan-Pakistan Parlamentlərarası Əlaqələr üzrə İşçi Qrupu adından Pakistan İslam Respublikasının Senatına Ermənistanın Azərbaycan-Ermənistan dövlət sərhədinin Tovuz istiqamətində növbəti hərbi təxribatı barədə məktub ünvanlanıb.

Versus.Az xəbər verir ki, bu barədə millət vəkilinin özü məlumat verib.

Qənirə Paşayeva bildirib ki, məktub Pakistan İslam Respublikası Senatında Azərbaycanla dostluq qrupunun rəhbəri Məhəmməd Talha Mahmud tərəfindən cavablandırılıb:

"Senator Məhəmməd Talha Mahmud məktubunda Azərbaycana dəstəyini ifadə etmiş, Ermənistan silahlı qüvvələrinin təxribatını kəskin qınamış, General Mayor Polad Həşimov və Polkovnik İlqar Mirzəyev başda olmaqla qəhrəman şəhidlərimizə Allahdan rəhmət dilədiklərini bildirmişlər. Qardaş Pakistan daima olduğu kimi bir daha Azərbaycanla birlikdə olduğunu ifadə etmişdir. Qardaş Pakistana bir daha təşəkkür edirik!"

PƏRİ
Versus.Az