ADP MSK-dan imza vərəqələrini gözləyir
Azərbaycan Demokrat Partiyası (ADP) da aprelin 11-nə təyin olunmuş növbədənkənar prezident seçkilərində iştirakla bağlı qərar verib.
Bu barədə Versus.Az-a partiyanın sədri, növbədənkənar seçkilərə namizədliyi irəli sürülmüş Sərdar Cəlaloğlu bildirib. Qeyd edib ki, fevralın 21-də sənədləri Mərkəzi Seçki Komissiyasına təqdim edib:
“Gözləyirik ki, imza vərəqlərini alaq və imza toplama kampaniyasına başlayaq. Lakin 40 min imzanı toplamaq həddindən artıq çətindir. İmza toplama kampaniyasına çox adam cəlb edə bilsək, demək olar ki, çətin olmaz”.
S.Cəlaloğlu bildirib ki, 200 nəfərin bu kampaniyada iştirakını təmin edə bilsələr, imzaları təxminən 2-3 günə toplamaq mümkün olacaq”.
ARZU
Versus.Az
Xəbər lenti
Parlament seçkiləri bu tarixdə keçiriləcək
"Şəffaf, rəqabətli, maraqlı bir seçki prosesi olacağına əminik"