Zibilliyə çevrilən XIV əsrdə tikilən məscidin qarşısı təmizləndi

“Suraxanı rayonu Əmircan qəsəbəsində yerləşən XIV əsrə aid Nizaməddin məscidinin ətrafı zibildən təmizlənib”.

Versus.Az xəbər verir ki, Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidmətinin mətbuat katibi Fariz Hüseynlinin sözlərinə görə, hazırda xidmətin əməkdaşları ərazidədir:

“Abidənin ətrafına tökülən zibillər ərazidən yığışdırılır. Bir müddətdir ki, ətrafda yaşayan sakinlər həmin əraziyə zibil atırlar. Abidənin qarşısındakı zibillər bir neçə dəfə təmizlənib, sakinlərə də xəbərdarlıq olunub. Belə halların təkrarlanmaması üçün müvafiq dövlət orqanlarına da müraciət olunacaq”.

“Bir daha vətəndaşlarımızdan xaiş edirik ki, belə hallara yol verməsinlər. Abidələri qorumaq, onlara xətər yetirməmək hər bir vətəndaşın borcudur”, - deyə o əlavə edib. /oxu.az/

16:02

Bakıda tarixi abidə baxımsız vəziyyətdədir.

Oxu.Az-ın məlumatına görə, bu barədə fotolar sosial şəbəkələrdə paylaşılıb.

Bildirilib ki, Suraxanı rayonu, Əmircan kəndində yerləşən XIV əsrdə yonulmuş əhəng daşından tikilən məscid baxımsız haldadır.

Əmircan kəndinin adlı-sanlı şəxslərindən olan Əmir Nizaməddinin təşəbbüsü ilə inşa edilən məscidin qarşısı zibillik kimi istifadə olunur.