Aydın Mirzəzadə BNA-ya qarşı narazılığı haqlı saydı

18:08 03-09-2020 | 616 | Cəmiyyət

Son günlərdə Bakı Nəqliyyat Agentliyi rəsmisinin xalqın əleyhinə, cəmiyyətin tələblərinin əksinə mövqe sərgiləməsi həm vətəndaşların, həm də ölkə ziyalılarının narazılığına səbəb olub.

Milli Məclisin üzvü Aydın Mirzəzadə də etiraz edən ziyalılardandır.

Versus.az xəbər verir ki, millət vəkili sosial şəbəkə hesabında bu haqda aşağıdakıları qeyd edib: “Bakı Nəqliyyat Agentliyinin şöbə müdirinin taksilərlə bağlı söylədiyi fikir çox düzgün olaraq narazılığa səbəb olub. Hər bir vətəndaşımızın taksidən isitifadə etmək imkanı olmalıdır, taksi xidmətinin hamı üçün əlçatan olmasına narazılıq etmək yox, onu dəstəkləmək lazımdır. Hər yerdə olduğu kimi taksi xidmətində də rəqabət olmalıdır, qiymətləri bazar və tələb-təklif müəyyənləşdirməlidir. Eyni zamanda taksi fəaliyyəti ilə məşğul olan insanlarımızın ucuz kreditlə vaxtaşırı öz avtomobillərini yeniləməsi üçün proqram hazırlanmasına da ehtiyac vardır.”

Versus.az