Hikmət Hacıyev 68 QHT-nin rəhbəri ilə görüş keçirib

12:32 04-09-2020 | 592 | Cəmiyyət

Azərbaycan Respublikası Prezidentinin köməkçisi Hikmət Hacıyev QHT-hökumət dialoqu çərçivəsində insan hüquqları, araşdırma və tədqiqat sahəsində fəaliyyət göstərən 68 QHT-nin rəhbəri ilə görüş keçirib.

Versus.az xəbər verir ki, bu barədə "Aktor" İctimai və Sosial Tədqiqatlar İctimai Birliyinin rəhbəri Telman İsa sosial şəbəkədə məlumat yayıb. O, bildirib ki, görüşü giriş sözü ilə Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının sədri Azay Guliyev açıb.

Telman İsa eyni zamanda bildirib ki, insan hüquqlarının müdafiəsi QHT-lərin əsas fəaliyyət istiqamətlərindən biridir.

"Onlayın müzakirələrdə üçüncü sektor təmsilçiləri təkliflərini səsləndirib, fikirlərini bildiriblər.Görüşdə iştirak etdim, QHT-media tandeminin vacibliyi ilə bağlı "Aktor" İctimai və Sosial Tədqiqatlar İctimai Birliyinin fikirlərini dilə gətirdim!

Bu cür diskussiyaların təşkilatçılarına təşəkkürümüzü bildiririk!