Ölümlə nəticələnən yol qəzaları

Daxili İşlər Nazirliyi paytaxtda baş verən yol qəzaları barədə məlumat yayıb.

Versus.az xəbər verir ki, sentyabrın 3-də saat 14 radələrində Binəqədi rayonunun Biləcəri qəsəbəsi ərazisində qəsəbə sakini Zahir Mirzəyev idarə etdiyi mopedi qarşıda gedən Bakı şəhər sakini T.Əsədovun idarə etdiyi “JAC” markalı yük avtomobilinə vurub.

Nəticədə xəstəxanaya yerləşdirilmiş Z.Mirzəyev orada ölüb.

Bundan başqa, cari il avqust ayının 31-də saat 21 radələrində Xəzər rayonunun Şağan qəsəbəsi ərazisində Bakı şəhər sakini C.Əliyev idarə etdiyi “VAZ-2107” markalı avtomobillə yolun kənarında velosiped sürən paytaxt sakini, 12 yaşlı Elmir Kərimzadəni vurub.

Nəticədə xəstəxanaya yerləşdirilmiş uşaq sentyabrın 3-də orada ölüb.

Cari il iyul ayının 15-də Xətai rayonunun Gəncə prospektində Bakı şəhər sakini İ.Əsgərov idarə etdiyi “VAZ-2103” markalı avtomobillə yolu keçən paytaxt sakini Famil Əsədovu vurub.

Nəticədə xəstəxanaya yerləşdirilmiş piyada sentyabrın 3-də orada ölüb.

Bütün faktlarla bağlı araşdırma aparılır.

Versus.az