"Onlar Tofiq Yaqublunun azadlığa çıxmasına sevinmirlər"

21:01 19-09-2020 | icon 386 | Siyasət
"Onlar Tofiq Yaqublunun azadlığa çıxmasına sevinmirlər"

Hafiz Hacıyev: "Bu məsələ Ramiz Mehdiyevin, onun cib müxalifəti olan Əli Kərimlinin də əli var idi"

 

“Dövlət başçısı Azərbaycan ictimaiyyətinin, ziyalılarının, partiya sədrlərinin fikirlərini nəzərə alaraq, Tofiq Yaqublunu ev dustaqlığına buraxdı".

 

Versus.Az xəbər verir ki, bu fikirləri açıqlamasında Müasir Müsavat Partiyasının sədri Hafiz Hacıyev deyib. 

 


Partiya sədri, ötən gün ev dustaqlığına buraxılmış Müsavat Partiyasının üzvü, siyasətçi Tofiq Yaqublu haqqında danışarkən bildirib ki, bu məsələdə oyun qurmaq istəyənlərin planları alt-üst olub:


“Mən iki dəfə internet televiziyası vasitəsilə cənab Prezidentə müraciət etdim. Çox sağ olsun ölkə Prezidenti. O, artıq bir daha sübut etdi ki, hər bir Azərbaycan vətəndaşının Prezidentidir. Cənab Prezident Azərbaycanda xalqının qeydinə qalan bir insandır. Ona biz öz minnətdarlığımızı bildirməliyik. Çünki bu sahədə çox böyük addım atdı. O, düşmənləri sevindirmədi. Məsələn, Ramiz Mehdiyev, Əli Kərimov, İsa Qəmbər kimiləri çalışırdı ki, Tofiq Yaqublu içəridə ölsün və bununla da Azərbaycan dövlətinə böyük təzyiqlər göstərilsin. Ölkə başçısı bizim müraciətləri nəzərə aldı, mən sizin internet sayt vasitəsilə cənab Prezidentə öz minnətdarlığımı bildirirəm. O mənada ki, bizim də müraciətimizi nəzərə aldı və ölkədə xaricdən Azərbaycana yönəlmiş təzyiqləri və daxildən “5-ci kolon”un üzvlərinin qurduğu planı pozdu. Ona görə də biz Prezidentə minnətdarlığımızı bildirməliyik. Bizim müxalifət partiyası olaraq etdiyimiz müraciət müsbət sonluqla nəticələndi. Bundan sonra da istərdim ki, Tofiq Yaqublu Əli Kərimovlara, İsa Qəmbərlərə uymasın, Azərbaycan dövlətçiliyinə xidmət etsin. Belə deyək, Azərbaycandakı məmurların diqtəsi ilə işləməsinlər. Aydındır ki, dövlətimizdə nöqsanlar da var, məmur özbaşınalığı da var, qanun və hüquq pozuntuları da var. Bunların aradan qaldırılmasına birlikdə nail olacağıq. Ona görə də, sevinirəm ki, ölkə Prezidenti Azərbaycanın başının üstünü bürümüş xarici və daxili tələyə düşmədi. Çox ağıllı şəkildə və düşünülmüş şəkildə davrandı. Tofiq Yaqublu azadlığa çıxdı və düşmənlər sevinmədi. Prezident böyük oyun qurulduğunu gördü, Azərbaycanın “5-ci kolon”u tərəfindən düşünülmüş plan olduğunu gördü. Həmin planı pozmaqdan ötrü əlindən gələni etdi və nəticədə humanist addım atdı. Baxmayaraq ki, Tofiq Yaqublu ilə əks fikirdə olan adamlarıq, amma mən onun azadlığa çıxmasına sevinirəm. O da bilməlidir ki, vaxtilə onun tənqid etdiyi, təhqir etdiyi insanlar onun azadlığa çıxmasından ötrü cənab Prezidentə dəfələrlə müraciət etdilər. Dövlət başçısı Azərbaycan ictimaiyyətinin, ziyalılarının, partiya sədrlərinin fikirlərini nəzərə alaraq, Tofiq Yaqublunu ev dustaqlığına buraxdı. Tofiq Yaqublu da öz növbəsində bundan sonra gərək Azərbaycan xalqına, Azərbaycan dövlətinə xidmət etsin. 

 


H.Hacıyev, Tofiq Yaqublunun mənsub olduğu partiyanın, təmsil olunduğu düşərgənin və onun rəhbərlərinin siyasətçinin azadlığa çıxmasından ötrü Prezidentə müraciət etməməsinə də toxunub:


“Azərbaycan ictimaiyyəti, bütün partiyalar, müəyyən deputatlar Prezidentə müraciət etdilər. Amma Tofiq Yaqubluya görə Əli Kərimli, İsa Qəmbər və Arif Hacılı bu müraciətə qoşulmadılar. Onların məqsədi o idi ki, Tofiq Yaqublu həbsdə aclıq aksiyası keçirməklə özünü öldürsün və bunlar Azərbaycan dövlətinə qarşı xaricdən təşkil olunmuş bu planın icraçısı olsunlar. Bu məsələ Ramiz Mehdiyevin, onun cib müxalifəti olan Əli Kərimlinin də əli var idi. Onlar bu gün Tofiq Yaqublunun azadlığa çıxmasına sevinmirlər".

 

Hafiz Hacıyev hesab edir ki, bu gün Tofiq Yaqublunun özünün partiyası onun azadlığa çıxmasından ötrü Prezidentə müraciət etmirsə, bu, artıq hər şeyin ortada olduğunu göstərir:

 

"Bunu kim nəyə yozur-yozsun. Məsələn, Yeni Azərbaycan Partiyasından da bu barədə xoş söz gəlmədi, Prezidentə dəstək olmadı. Amma dövlət başçısı ziyalıların, medianın, partiya sədrlərinin fikrini nəzərə aldı və təhlil edərək məsələnin qurulmuş oyun olduğunu gördü və ssenarini pozaraq Tofiq Yaqublunu azadlığa buraxdı. İndi bu oyunu quranlar bundan sonra fikirləşməlidir ki, nə qədər böyük qəbahətə yol veriblər. Bu şəxslər Azərbaycan dövlətinə, Azərbaycan xalqına düşməndilər".

 

MMP sədri qeyd edib ki, bu gün işğal olunmuş torpaqların azad olunması məqsədilə ortaya qoyulan mövqeyə kölgə salmaqdan ötrü Tofiq Yaqublunun həbsdə öldürülməsinə ehtiyac yox idi:

 

"Ramiz Mehdiyevin uzun illərdir cibində yetişdirdiyi "ana müxalifət" bu gün elə onun tapşırığı ilə də Tofiq Yaqublunun azadlığa çıxmasından ötrü Prezidentə müraciətə imza atmadı. Bu, artıq hər şeyi deyir. Biz bundan nəticə çıxarmalıyıq”. /Demokrat.az/

 

Versus.Az

Xəbər lenti

InvestAZ

Ən çox oxunan xəbərlər

““5-ci kolon”un qələbəni sıfıra endirmək kimi anti-təbliğatı ziyanımıza işləyə bilər” - MÜSAHİBƏ

Qənirə Paşayeva daha bir şəhidimizdən YAZDI

İlham Əliyev Azərbaycan xalqını təbrik etdi

Qəhrəmanın ömür yolu: Qubadlıdan Qubadlıya…

Qarakənd faciəsindən 29 il ötür

Hava kəskin dəyişəcək, qar gözlənilir - XƏBƏRDARLIQ

“O dəhşətli partlayışın səsi bir anlıq bizi yerimizdə dondurdu” - MÜSAHİBƏ

ADLAR DƏYİŞDİ - Quşçubaba kəndi Baharlı, Tsakuri kəndi isə Hünərli oldu

Mehriban Əliyeva Azərbaycan xalqını təbrik edib - FOTO

Rusiyanın nümayəndə heyəti Bakı və İrəvana səfər edəcək

Türkiyənin Nişantaşı Universiteti 20 şəhid ailəsi üzvünə təqaüd ayırdı

I Qarabağ müharibəsinə yaşı çatmayan RÖVŞƏN II Qarabağ müharibəsinin ŞƏHİDi OLDU

Ağdam mənim ana yurdumdur

Türkiyə hərbçiləri yaxın zamanlarda Azərbaycana yollanır”

40-dan çox erməninin içində üç saat mühasirədə qalan qazimiz - FOTO