MMP təşkilat sədri müharibə başlayarsa, döyüşə gedəcəyini deyir
Qismət Allahverdiyev: “Vətənə olan yarım qalmış borcumu tamamlamağa hazıram”
Ermənistan rəhbərliyinin müharibəyə hazırlığı Azərbaycan hökumətinə, ictimaiyyətinə baş verəcəklərə hazırlıqlı olmağı diqtə edir. Ehtiyatda olan hərbçi vəzifəlilər səfərbər olub və gənclər də könüllü olaraq döyüşmək üçün qeydiyyata alınmaq üçün müraciətlər edirlər.
Versus.Az xəbər verir ki, bu sırada siyasilər də var.
Müasir Müsavat Partiyasının (MMP) Tərtər rayon təşkilat sədri Qismət Allahverdiyev saytımıza açıqlamasında bildirib ki, o da bir vətənpərvər, dövlətini, ölkəsini sevən şəxs kimi vətənə olan yarım qalmış borcunu tamamlamağa hazırdır.
Q.Allahverdiyev siyasi fəaliyyətini davam etdirməklə yanaşı Tərtərdə Kəlbəcər tam orta məktəbində hərbi rəhbər işlədiyini bildirib.
Q.Allahverdiyev 15 may 1991-ci ildən 1 avqust 1996-cı ilədək Qarabağ uğrunda döyüşlərdə iştirak edib. Döyüşlərdə yaralanıb, donvurmaya düşüb. Tovuz döyüşləri zamanı hərbi komisarlıqda könüllü kimi qeydiyyatdan keçdiyini deyən MMP təşkilat sədri müharibə başlayarsa, döyüşə getməyə hazır olduğunu deyib.
Qeyd edək ki, MMP sədri Hafiz Hacıyev partiyanın cəbhəyanı rayonlarında olub və təşkilat sədrləri ilə səfərbərliklə bağlı müzakirələr aparılıb.
Xəbər lenti
YUXU
Başıma gələn bir olay yəqin ki, yumor hissi olanlara xoş gələcək