Razi Nurullayev təklif irəli sürüb
Milli Cəbhə Partiyasının (MCP) sədri, deputat Razi Nurullayev yeni müavin təklif edib.
Versus.Az xəbər verir ki, bu barədə MCP sədri özü məlumat verib.
Razi Nurullayev özünün "facebook" hesabında yazır:
"Məhəmməd Əsədullazadənin Milli Cəbhə Partiyası sədrinin siyasi məsələlər üzrə müavini vəzifəsinə namizədliyini irəli sürdüm. İnanıram ki, partiyanın yaxın günlərdə keçirilən Siyasi şurasında təsdiq olunacaq".
Qeyd edək ki, Məhəmməd Əsədullazadə Vidadi oğlu Texniki Universiteti bitirib. 2011-ci ildən siyasi ekspert olaraq fəaliyyət göstərir. Bununla yanaşı siyasi araşdırma və analitika ilə məşğuldur. Cənubi Qafqaz Beynəlxalq Analitik Mərkəzinin sədridir. Ölkədə və regionda gedən siyasi proseslər barədə təhlillər yazir. Türkiyənin Qafqaz Araşdırmalar Mərkəzinin Azərbaycan üzrə ekspertidir. Ölkə və xarici mətbuatda daima siyasi məqalələr və siyasi təhlillərlə çıxış edir.
SEVDA
Versus.Az