"Siyasi və diplomatik manevrlərinizlə suyu bulandırmayın"

19:33 01-10-2020 | icon 79 | Siyasət
"Siyasi və diplomatik manevrlərinizlə suyu bulandırmayın"

Əlisahib Hüseynov: "Görəsən, Fransa nə zaman Qarabağ məsələsində ədalətli mövqe tutacaq?"

 

"Deyəsən, Dağlıq Qarabağ münaqişəsi zonasındakı vəziyyətin kəskinləşməsindən, sentyabrın 27-də Ermənistan Silahlı qüvvələrinin növbəti təxribatına qarşı Azərbaycan tərəfinin əks-hücuma keçməsindən sonra Fransa prezidenti Emmanuel Makronun yadına düşüb ki, onun ölkəsi məhz Dağlıq Qarabağ münaqişəsinin sülh yoluyla nizama salınması məqsədi ilə yaradılan ATƏT-in Minsk Qrupunun üç həmsədrindən biridir. Xeyir ola, cənab Makron son günlər nə üçün belə əl-ayağa düşüb, niyə narahatdır? Bəs indiyə qədər harda idi, niyə bu qədər narahat olmurdu? Məgər 27 sentyabrdan əvvəl, necə deyərlər, dünyanın dinc vaxtında Makron Rusiya prezidentinə zəng vurub Dağlıq Qarabağdakı vəziyyəti müzakirə edə və real çözüm yolları axtara bilməzdimi? Niyə məhz indi zəng vurur? Çünki münaqişənin yenidən alovlanması və genişmiqyaslı hərbi əməliyyatlar müstəvisinə keçmə perspektivləri Makronun maraqlarına cavab vermir".

 

Versus.Az xəbər verir ki, bunu açıqlamasında Milli Həmrəylik Partiyasının (MHP) sədri Əlisahib Hüseynov bildirib.

 

Partiya sədrinin fikrincə, Fransa prezidenti real vasitəçilik etmək və işğalçı ölkəni sakitləşdirmək, cilovlamaq və işğalçılığa son qoymağa çağırmaq əvəzinə, bütün vasitələrlə Ermənistanı sudan quru çıxarmağa, Azərbaycanın isə öz qanuni torpaqlarını azad etmək, ərazi bütövlüyünü bərpa etmək təşəbüsünü əngəlləməyə çalışır:

 

"Bu, Fransa prezidenti tərəfindən nümayiş etdirilən növbəti riyakarlıq və ikili standartlar nümunəsidir.  Axı tərəfləri (işğalçı ölkə ilə işğala məruz qalan ölkəni) eyniləşdirmək və hər iki ölkəni təcili sürətdə
atəşkəsi bərpa etməyə, gərginliyi azaltmağa və maksimum təmkinli olmağa çağırmaq həmsədr ölkənin
liderinə yaraşan hərəkət deyil. Necə yəni Dağlıq Qarabağ böhranının siyasi və diplomatik metodlarla
həllinin alternativi yoxdur? Bəs sizin bu siyasi və diplomatik metodlarla həll yolunuz nə üçün indiyə
qədər məsələnin həllinə və torpaqlarımızın işğaldan azad olunmasına gətirib çıxarmayıb? Nədən
Azərbaycan xalqını 30 ildir boş və mənasız vasitəçilik siyasətinizlə gözlətmisiniz? Ali Baş Komandanımızın
qətiyyətli mövqeyi və Ordumuzun döyüş əzmi nəyə görə sizi bu qədər narahat edir? Və nəhayət,
görəsən, Fransa nə zaman Qarabağ məsələsində ədalətli mövqe tutacaq?"



Əlisahib Hüseynov Fransadan haqqın, ədalətin yanında yer almasını, 1 milyondan çox qaçqın və məcburi köçkün soydaşımızın səsini, harayını eşitməsini gözlədiyimizi burğulayıb:

 

"Mən özüm də bir məcburi köçkün kimi şəxsən cənab Makrondan heç olmasa, bir dəfə vicdanının səsini dinləməsini istəyirəm. Siyasi manipulyasiyalara, hiylələrə əl atıb işğalçı Ermənistanı dəstəkləmək çox asandır, cənab Makron. Hünəriniz və insafınız varsa, biz azərbaycanlı məcburi köçkünlərin haqqını müdafiə edin və yurd yerlərimizi işğal altında saxlayan Ermənistan hakimiyyətinə "işğala son" sözünü deyin. Deyə bilmirsinizsə, o zaman siyasi və diplomatik gedişlərinizlə, manevrlərinizlə suyu bulandırmayın və başımızı qatmayın!"

 

LƏMAN
Versus.Az

Xəbər lenti

InvestAZ

Ən çox oxunan xəbərlər

Karantin yenidən sərtləşdirildi

“Ərazilərimizin təkrar hücuma məruz qalmasına dözməyəcəyik”

Dövlət qurumlarında iş qrafiki dəyişdirildi

Atəşkəs dövründə 35-dən çox azərbaycanlı uşaq Ermənistan ordusu tərəfindən qətlə yetirilib

Təhsil müəssisələrində tətilin SƏBƏBİ

Bütün təhsil müəssisələrində tətil elan olundu

Kolleclərin boş qalan plan yerlərinə qəbul elan edilib

Füzulinin təhsil statistikası açıqlandı - FOTO

Füzuli işğaldan azad edildi

Nazirlik xəbərdarlıq etdi

“Yunanıstan Qarabağda işğalçı Ermənistana dəstək verməkdən əl çəkməlidir”

Mehriban Əliyeva Gəncədəki düşmən təxribatı ilə bağlı paylaşım edib

"Atəşkəs" = Qarabağ Azərbaycandır!

Azərbaycanın dövlət müstəqilliyini bərpa etməsindən 29 il ötür

“Gələn Müstəqillik Gününü zəfər alqışları ilə qeyd edəcəyik” - VİDEO