Məgər quldur ermənilər həmin torpaqları siyasi-diplomatik yollarlamı işgal etmişdi ki...
/professor/
BMT Təhlükəsizlik Şurası 1992-1993-cü illərdə beynəlxalq hüquqa istinad edərək dörd Qətnamə qəbul etmişdi və “ Ermənistanın işğal etdiyi Azərbaycan torpaqlarından qeyd-şərtsiz çəkilməsi” tələbini ortaya qoymuşdu.
30 ildir Ermənistan adlanan cırtdan boyda satellit bir “dövlət” faktiki olaraq dünyaya və BMT TŞ na meydan oxuyaraq, torpaqlarımızın işgalını davam etdirir.
Bir gün əvvəlsə həmin BMT TŞ-sı dünyada hökm sürən ikili standartlardan çıxış edərək öz prinsiplərinə və beynəlxalq hüququn tələblərinə zidd formada bəyan edir ki, “bəs sən demə Dağlıq Qarabağ münaqişəsinin siyasi-diplomatik yoldan başqa həlli yoxuymuş”...
Türkün sözü olmasın: “olsun babam, olsun”! Buyur həll elə, necə deyərlər- dünya müdiriyyəti sən, beynəlxalq hüquq və beynəlxalq güç mexanizmləri sənin əlində, həll elə baxaq görək necə edirsən?!. 30 ildir qəbul etdiyin dörd Qətnaməni təmin elə, Azərbaycanı bu işgaldan qurtar biz də sənin ədalətinə və gücünə inanaq...
Məgər quldur ermənilər həmin torpaqları siyasi-diplomatik yollarlamı işgal etmişdi ki, indi də Azərbaycan onları siyasi-diplomatik yollarla geri alsın...
Burax sən allah bu boş-boş, quru sözdən başqa heç nəyə yaramayan “siyasi-diplomatik” oyunlarını, daha bir 30 il başımızı aldatmaqda davam elə görək, sonu harda bitəcək bu işlərin...
Azərbaycansa hazırda “Dağlıq Qarabağ probleminin” həlli ilə məşğul olmur, sadəcə olaraq öz haqqı olan, beynəlxalq hüquqa və beynəlxalq prinsiplərə uyğun formada, işgal altında olan torpaqlarını azad etməklə məşğuldur. İnşallah, bu iş uğurla başa çatsın, eybi yox bir dəfə də toplanarsınız və “mövcud problemin siyasi-diplomatik əsaslandırılması” məsələsini müzakirəyə çıxararsınız...