“Hansı rayonlar münasibdirsə, orada görüşlər təşkil olunacaq”
“Yəqin ki, Sumqayıt, Mingəçevir, Gəncə, Lənkəran kimi böyük şəhərlərdə görüşlər olacaq. Ümumiyyətlə, çalışacağıq ki, bütün bölgələri əhatə edək”.
Versus.Az xəbər verir ki, bu sözləri Modern.Az-a açıqlamasında Müasir Müsavat Partiyasının sədri, növbədənkənar prezident seçkilərinə namizədliyi irəli sürülmüş Hafiz Hacıyev deyib.
Hafiz Hacıyev bildirib ki, partiyanın İdarə Heyətinin iclasında hansı bölgələrdə görüşlərin keçirilməsi istiqamətində qərar verilərək qrafik təsdiq olunacaq:
“Xalqla görüşümüzü təşkil etməkdən ötrü rayon təşkilatlarımızın sədrlərini Bakıya dəvət etmişik, onlarla görüşdən sonra tapşırıq veriləcək. Hansı rayonlar münasibdirsə, orada görüşlər təşkil olunacaq. Həmçinin qaçqın şəhərciklərində də xalqla ünsiyyəti düşünürük. Hətta biz istəyirik ki, Xankəndi seçki dairəsində də görüşlər keçirək. Bilirsiniz, mənim proqramımda prezident seçiləcəyim təqdirdə birinci paytaxtımızı Xankəndinə köçürmək var”.
Xəbər lenti
Liftdəki ölümə görə direktora şiddətli töhmət verildi
İki nəfərə isə işdən çıxarıldı