Vüqar Rəhimzadə: “Azərbaycan siyasi-iqtisadi cəhətdən daha yüksək zirvələr fəth edəcəkdir”

“Cəbhədə heç bir yumşalmadan söhbət gedə bilməz. Şanlı Ordumuz rəşadətlə irəliləyir və 30 ildir davam edən münaqişənin məntiqi nəticəsini uğurlu savaşı ilə qızıl hərflərlə yazacaq”.

Versus.Az xəbər verir ki, bunu Minks Qrupu dövləti olan Fransanın, eləcə də digər aidiyyatı dövlətlərin, beynəlxalq təşkilatların Azərbaycan Ordusunun öz torpaqlarını işğaldan azad etməsi uğrunda apardığı mübarizənin danışıqlarla əvəz olunmasına yönəlik son cəhdləri ilə bağlı açıqlamasında YAP siyasi şurasının üzvü, “İki sahil” qəzetinin rəhbəri Vüqar Rəhimzadə  bildirib.

O, bildirib ki, Azərbaycan 30 ildir münaqişənin danışıqlar yolu ilə ədalətli şəkildə, beynəlxalq hüquq normalarına uyğun olaraq həll olunmasını gözləyirdi. Təəssüflər olsun ki, bu 30 ildə heç bir real iş görülmədi:

“BMT kimi nüfuzlu bir təşkilatın öz qərarlarını icra etməməsi artq bu təşkilatın öz qərarlarına etinasızlığının nümunəsini ortaya qoydu. Ona görə də dövlət başçısı başda olmaqla Azərbaycan xalqı, ordumuz bu yalançı oyunlara dözüb, bundan sonra növbəti 30 ili də gözləmək fikrində deyil”.

V.Rəhimzadə bildirib ki, artıq dünyanın Azərbaycanın Qarabağ məsələsinə ədalətsiz yanaşması ortada və Prezident başda olmaqla Azərbaycan ordusu, xalq öz qətiyyətli sözünü demkdədir:

“Tezliklə işğal altında olan torpaqlarımız azad olunacaq və tezliklə azad olunmuş torpaqlarımızda Azərbaycanın bayrağı dalğalanacaqdır. Ordu Ali baş Komandanın əmrinə tabedir və onun ətrafında sıx birləşib. 30 ildir BMT-nin Azərbaycan torpaqlarının işğaldan azad olunması ilə bağlı icra olunmamaış qətnamələri artıq Ali Baş Komandanın, Ordunun, xalqın birliyi, rəşadəti nəticəsində yerinə yetirləcək. Bu problemin həlli ilə regiona sülh gətiriləcək. Azərbaycan siyasi-iqtisadi cəhətdən daha yüksək zirvələr fəth edəcəkdir”.

V.Rəhimzadə qeyd edib ki, bu gün beynəlxalq təşkilatların mövqeyində hər hansı dəyişikliyin olmaması bu qurumların ikilistandartlı mövqelərindən xəbər verir:

“Beynəlxalq təşkilatlar birmənalı şəkildə Azərbaycanın ərazi bütövlüyünü dəstəkləyirlər. Amma bu təşkilatlar ikilistandartlardan əl çəkmirlər. Təkcə ATƏT-in Minsk qrupu 30 ildir ki, regiona turist səfərləri etməkdən başqa bir iş görmədi. Həmsədrlər gəlirdilər, gedirdilər amma ortada konkret nəticə yoxdur. Artıq beynəlxalq hüquqa məhəl qoymayan Makron erməni tərəfi kimi çxış edir və mövqe nümayiş etdirir. Bu qətiyyən qəbulolunmazdır. Bu ATƏT-in missiyasına ağır bir zərbədir və iç üzünü açıb göstərir.

Lakin Azərbaycan ordusunun qələbəsi şəksizdir. İşağal altında olan torpaqlar azad olunacaq. Mən qısa müddətdə Azərbaycan odusunun erməni terrorçularına, Paşinyana layiqli dərs verəcəyini gözləyirəm və biz tezliklə bu qələbəni qeyd edəcəyik”. /hafta.az/

T.Qafarlı
Versus.Az