Müşfiq Ələsgərli: "Azərbaycan da öz xislətini göstərəcək"

"Humanitar atəşkəsin müvəqqəti xarakter daşıdığını demişdilər. Heç müvəqqəti də olmadı. Ermənistan öz xislətini yenidən göstərdi".

Versus.Az xəbər verir ki, bunu açıqlamasında Mətbuat Şurasının sədr müavini Müşfiq Ələsgərli bildirib.

Müşfiq Ələsgərli vurğulayıb ki, Gəncənin raket atəşinə tutulması Ermənistanın son danışıqlar prosesinə də münaqişənin vaxtını uzatmaq, işğala əsaslanan status-kvonu saxlamaq üçün bir vasitə kimi baxdığını göstərir:

"Danışıqlar prosesi imitasiya olunmuş əsasda aparır. Amma Azərbaycan da öz xislətini göstərəcək: son 14 gün ərzində düşmənin bütün həmlələrinə layiqli cavab verilib, mövqeləri darmadağın edilib, yenə də ediləcək. Azərbaycan tərəfi Moskva danışıqları fonunda elan etmişdi ki, bundan sonra Ermənistan yenə də öz siyasətini davam etdirəcəksə və işğal olunmuş ərazilərdən qoşunlarını çıxarmayacaqsa, onda hərbi əməliyyatların bərpa olunması hər zaman baş verə bilər. Mahiyyətli danışıqlar aparılmalı və Ermənistan qoşunlarının Azərbaycanın işğal olunmuş ərazilərindən çıxarılmasını nəzərdə tutan plan hazırlanmalıdır".

SEVDA
Versus.Az