Əlisahib Hüseynov: "Rusiyadan ikibaşlı siyasət yox, obyektiv vasitəçilik gözləyirik"
"Rusiyanın sülh təşəbbüslərini alqışlamaq olardı. Lakin Xarici İşlər nazirlərinin Moskva görüşündən sonra Ermənistan tərəfi üzərinə götürdüyü atəşkəs öhdəliyinə əməl etmirsə, deməli, bu təşəbbüslər formal xarakter daşıyır".
Versus.Az xəbər verir ki, bunu açıqlamasında Milli Həmrəylik Partiyasının (MHP) sədri Əlisahib Hüseynov bildirib.
MHP sədri vurğulayıb ki, üstəlik, Rusiyadan Ermənistana “humanitar yüklər” adıyla silah-sursat daşınması davam edir və rəsmi Moskva bunu görməzdən gəlir:
"Bu isə "ikili standartlar" siyasətindən başqa bir şey deyil. Biz Rusiyadan bu cür ikibaşlı siyasət yox, obyektiv vasitəçilik gözləyirik. Rusiya buna bir həmsədr ölkə kimi borcludur. Rusiya işğalçı Ermənistanı xilas etməyə çalışmamalıdır. Bunu Prezident İlham Əliyev də RBK televiziya kanalına müsahibəsində vurğuladı. Ermənistanı himayə etmək yox, sülhə məcbur etmək, ağıllandırmaq lazımdır".
SEVDA
Versus.Az