"Bu, İlham Əliyev tərəfindən çox uğurlu taktiki gediş idi"

20:25 20-10-2020 | icon 442 | Siyasət
"Bu, İlham Əliyev tərəfindən çox uğurlu taktiki gediş idi"

Əlisahib Hüseynov: "Tezliklə Ermənistanın rüsvayçı şəkildə kapitulyasiyasının şahid olacağıq"

 

"Dövlət başçımızın Rusiyanın TASS İnformasiya Agentliyinə verdiyi müsahibəsində səsləndirdiyi fikirlər bir daha onu sübut etdi ki, Azərbaycan tərəfi münaqışənin sülh yoluyla nizamlama prinsiplərinə hər zaman sadiq olub və işğalçı, terrorçu Ermənistandan fərqli olaraq bir sivil dövlət kimi üzərinə düşən öhdəlikləri yerinə yetirməyə həmişə hazırdır. Bəllidir ki, Moskva danışıqlarından sonra da Azərbaycan öz üzərinə götürdüyü öhdəlikləri birtərəfli qaydada yerinə yetirməyə davam edir və münaqişənin dinc yolla, sülh yolu ilə həllinə üstünlük verir. Lakin danışıqlardan heç 24 saat keçməmiş Ermənistan silahlı qüvvələri gecə vaxtı Gəncə şəhərini növbəti dəfə raket atəşinə tutmaqla misli görünməmiş terror hadisəsi törətdi. Bu terror aktı nəticəsində bizim çoxlu sayda mülki sakinlərimiz həlak oldu. Ölən və yaralanan insanlar arasında körpə uşaqlar, qocalar və qadınlar çoxluq təşkil edir. Bax budur ermənilərin gerçək üzü, Ermənistan dövlətinin faşist və terror üzü!"

 
 
Versus.Az xəbər verir ki, bunu açıqlamasında Milli Həmrəylik Partiyasının (MHP) sədri Əlisahib Hüseynov bildirib.
 
 
Ermənilərin uşaq və qadın qatili olduqlarını nəinki biz, az qala bütün dünyanın yaxşı bildiyini qeyd edən MHP sədri Xocalı qətliamının buna əyani misal olduğunu bildirib:
 
 
"İndi qoy bütün dünya ictimaiyyəti də erməni vəhşiliklərini görsün və bilsin. Hərçənd ki, dünya birliyi elə o zaman da Xocalıda baş verən dəhşətli soyqırıma biganə yanaşmışdı. Amma ümid edirik ki, bu biganəlik bizim günlərdə bir daha təkrarlanmayacaq. Heç kəsə sirr deyil ki, Ermənistan tərəfi real döyüş meydanında məğlubiyyətlərini ört-basdır etmək üçün mülki sakinlərimizi hədəf alır. Bu isə hərbi cinayətdir. Vəziyyətin bu cür qaynar fazaya daxil olmasında Azərbaycanın təqsiri yoxdur. Bütün təqsir işğalçı siyasət yürüdən hazırki Ermənistanın rəhbərliyinin üzərinə düşür. Ermənistanın baş naziri Nikol Paşinyan vəziyyətin bu həddə çatmasında şəxsən günahkardır.
 
Prezident İlham Əliyev TASS-ın müxbirinə müsahibəsində tamamilə haqlı olaraq qeyd etdi ki, Ermənistan tərəfi heç bir beynəlxalq konvensiyaları və qanunları tanımır, əldə olunan humanitar atəşkəsin prinsiplərinə belə məhəl qoymaq istəmir. Bəli, biz 30 il gözlədik ki, işğal altında olan torpaqlarımızı sülh yolu ilə, qarşılıqlı kompromis yolu ilə azad edək. Ermənistan tərəfi isə daim məsələnin həllini uzadaraq imitasiya edirdi. Lakin rəşadətli Azərbaycan Ordusu bu imitasiyalara, bu hiyləgər diplomatiyaya birdəfəlik son qoydu və indi torpaqlarımızı işğaldan azad edir.
 
Fikir verdinizsə, Ordumuzun azad etdiyi əraziləridə düşmən tərəf çox güclü istehkamlar qurubmuş. Cənab Prezident də bu faktı sözügedən müsahibəsində qeyd etdi. Düşmən tərəf işğal etdiyi Azərbaycan rayonlarının, kəndlərinin hətta adlarını da dəyişirmiş. Bütün bunlar isə onu göstərir ki, Ermənistan tərəfi işğal etdikləri ərazilərimizi əslində bizə geri qaytarmaq fikrində olmayıb. Bu müddət ərzində Ermənistan tərəfinin mövqeyi daim sülhə mane olub. Xüsusən də son iki illik dönəmdə Ermənistan tamamilə qeyri-konstruktiv mövqedən çıxış edib. Lakin düşmən bilməliydi və bilməlidir ki, onlar işğal etdikləri əraziləri bir gün mütləq geri qaytarmalı olacaqlar. İşğal nəticəsində öz ata-baba yurdlarından qaçqın və məcburi köçkün düşən bir milyondan çox soydaşlarımız öz evlərinə geri qayıtmalıdırlar. O gün bu gündür. İndi Azərbaycan Ordusu düşməni buna məcbur edir".
 
 
Ə.Hüseynov vurğulayıb ki, İlham Əliyev müsahibəsində status-kvo məsələsinə də toxundu və bir daha bəyan etdi ki, artıq status-kvo deyilən bir anlayış yoxdur, Azərbaycan Ordusunun uğurlu əks-hücum əməliyyatları status-kvo siyasətini və təmas xətti deyilən süni maneəni artıq darmadağın edib:
 
 
"Bu bir faktdır ki, biz ATƏT-in Minsk qrupunun həmsədrləri ilə danişiqlar prosesində müəyyən irəliləyişlərə nail olmuşduq. 5 rayon qaytarılırdı, ardınca Kəlbəcər və Laçın qaytarılmalı idi. Danışıqlar bu xətt üzrə gedirdi. Lakin Ermənistan tamamilə qeyri-konstruktiv mövqe tutdu. Davamlı şəkildə cürbəcür təxribatlara yol verdi. Ona görə də danışıqlar prosesi pozuldu və indi artıq Ermənistan deyil, şərtləri Azərbaycan tərəfi irəli sürür. İndi işğalçı ölkənin bizə qarşı hər hansı bir şərt diktə etməyə, bizimlə qalib ədası ilə danışmağa təpəri, iqtidarı yoxdur. İndi yeganə şərti cənab Prezident yeganə irəli sürür: düşmən tərəf işğal etdiyi bütün ərazilərdən dərhal və qeydsiz-şərtsiz çıxmalıdır.
 
Dövlət başçımız məlum müsahibəsində həmçinin bu gün Ermənistanın yenidən silahlanması məsələsinə də toxundu. Bu isə heç şübhəsiz ki, bölgənin təhlükəsizliyini pozur. Prezident vurguladı ki, hazırda Rusiyada yaşayan erməni mənşəli iri sahibkarların və beynəlxalq sanksiyalar tətbiq edilmiş məşhur silah alverçilərinin əli ilə qaçaqmalçılıq yolu ilə Rusiyadan Ermənistana silah-sursat daşınır. İlham Əliyev Rusiya ilə münasibətlərimizin yüksək səviyyədə olmasından çıxış edərək ümid etdiyini bildirdi ki, yəqin ki, bu məsələlər Rusiya tərəfindən araşdırılacaqdır.
 
Prezident Ermənistanın hazırki Baş nazirinin Sorosun əlaltısı olması faktının və onun tərəfdarlarının bu son dönəmlərdə Rusiyaya qarşı düşmən əhval-ruhiyyəli davranışlarını da TASS-ın müxbirinin diqqətinə çatdırdı:”Bu insanlar vaxtı ilə Rusiya səfirliyinə etiraz əlaməti olaraq yumurta atırdılar. Paşinyan və onun iqtidar nümayəndələri Sorosun əlaltılarıdır. O zaman onların bir şüarı var idi: “Rusiyalı işğalçılar rədd olun”. Yəqin Rusiya hakim dairələri bu olayları yaxşı xatırlayırlar. Bu gün bəzi Rusiyalı siyasətçilərin Ermənistan tərəfini müdafiə etmələri bizdə təəccüb doğurur”. İlham Əliyev bu məqamı dilə gətirməklə həmin rusiyalı siyasətçilərin tutduqları mövqenin əslində Rusiyanın dövlət maraqlarına zidd olduğunu izah etmək, başa salmaq istəyirdi. Bu, İlham Əliyev tərəfindən çox uğurlu taktiki gediş idi.
 
Ali Baş Komandanımız düşmənin artıq öz məğlubiyyətlərini anladığını xüsusi olaraq vurğuladı və qeyd etdi ki, Ermənistanın hərbi-siyasi rəhbərliyi artıq yaxşı bilir ki, Azərbaycan öz ərazilərinin bir qarışını belə Ermənistana güzəşt etməyəcək. Azərbaycan nəyin bahasına olursa olsun, öz torpaqlarını işğaldan azad edəcək. Amma bununla belə Prezident onu da vurğuladı ki, biz müharibənin tərəfdarı deyilik, qan tökülməsini istəmirik və əgər Ermənistan tərəfi işğalçı mövqeyindən əl çəkib konstruktivlik nümayiş etdirərsə, eləcə də baza prinsiplərinin əsasında sülh danışıqlarının davam etdirilməsinə hazırdırsa, o zaman biz də sülh danışıqlarına hazırıq. İlham Əliyev düşmən tərəfdən fərqli olaraq Azərbaycanın həqiqətən də sülh tərəfdarı olduğunu bir daha nümayiş etdirdi. Ermənistan rəhbərliyində az da olsa siyasi müdriklik varsa, o Azərbaycanın sülh şərtləri ilə razı olmalıdır. Əks halda çox tezliklə hamımız Ermənistanın rüsvayçı şəkildə kapitulyasiyasının şahid olacağıq".
 
 
SEVDA
Versus.Az
 

Xəbər lenti

InvestAZ

Ən çox oxunan xəbərlər

Əfəndilər, Yardımlı da Azərbaycandır

Röyanın Moskva konserti təxirə salındı - SƏBƏB?

Moskvadakı dəhşətli terrorda ölənlərin sayı 150-yə çatıb

Rusiyada teraktda yaralananların durumu açıqlanıb

Ayılar üçün maraqlı əyləncə

Artritə səbəb olan 5 mühüm SƏHV

İdmançımız Almaniyada keçirilən turnirdə ikinci qızıl medalını qazanıb

Tarixçidən maraqlı faktlar

İtlər hətta simvolları da anlayırlar

Gündə 1 dəqiqə cəfəri çeynəyin

Şəfalı olduğu düşünülən bu bitkilər böyrəkləri çürüdür

Gimnastlarımız Dünya Kubokunda finala yüksəliblər

Dəri problemlərindən mərciməklə xilas olun

Bu iki ədviyyatı birgə istifadə edin

Ən sürətli qol