Əlisahib Hüseynov: "Ordumuzla birlikdə tarixi yeni başdan yazmağa davam edin"
"Şanlı Ordumuz və qəhrəman Ali Baş Komandanmız bizə növbəti zəfər sevincini yaşatdı - Vətənimizin çox gözəl bir parçası olan Zəngilan şəhəri və bir sıra kəndlər düşmən tapdağından azad edildi. Beləliklə, böyük Qələbə gününə bir addım da yaxınlaşdıq. O gün uzaqda deyil".
Versus.Az xəbər verir ki, bu barədə Milli Həmrəylik Partiyasının (MHP) sədri Əlisahib Hüseynov "facebook" hesabında paylaşım edib.
Əlisahib Hüseynov fürsətdən istifadə edib həm igid əsgərlərimizə, həm də Ali Baş Komandana bütün MHP-çilər adından və öz adından təşəkkürlərini ifadə edib:
"Sağolun ki, siz bizə, bütün azərbaycanlılara bu sevincli anları yaşadırsınız! Cənab Prezident, sizin böyük fəxrlə və xoşbəxtlik hissilə canlı yayımdan və Tvitter üzərindən xalqa çatdırdığınız qələbə xəbərləri bu gün bütün Azərbaycan ailələrində fərqli bir ovqat yaradır və hər bir azərbaycanlının evində misilsiz sevinc, bayram anlarının yaşanmasına səbəb olur.
Siz bizi son 20-25 gündə olduqca xoş bir ənənəyə öyrəşdirmisiniz. İndi bütün azərbaycanlılar davamlı olaraq dövlət televiziyasını izləyir və hər an növbəti bir rayonumuzun, şəhərimizin, qəsəbə və kəndlərimizin işğaldan azad edilməsi xəbərini gözləyir. Özü də məhz Sizdən gözləyirlər.
Belə də davam edin, Cənab Prezident. Rəşadətli Ordumuzla birlikdə xariqələr yaratmağa, tarixi yeni başdan yazmağa davam edin. Biz MHP-çilər sizinləyik! Bütün Azərbaycan xalqı sizinlədir! Qarabağ Azərbaycandır!"
LƏMAN
Versus.Az