"30 il də danışıq olar?"
12:27 23-10-2020
|
289 |
Siyasət
Əlisahib Hüseynov: "Həmsədrlərin "sülhpərvərliyi" tələdən başqa bir şey deyil"
"Rəsmi Bakının bu gün Vaşinqtondakı görüşlərdən hər hansı bir irəliləyiş, nəticə gözləməməsini tamamilə təbii hesab edirik. Çünki Minsk Qrupunun digər həmsədrləri kimi ABŞ-ın da problemin sülh yolu ilə həll edilməsi üçün göstərdiyi səylər indiyə qədər heç bir səmərə verməyib. Ümumiyyətlə, həmsədrlərin fəaliyyəti turistik səfərlər çərçivəsi ilə kifayətlənib".
Versus.Az xəbər verir ki, bunu Milli Həmrəylik Partiyasının (MHP) sədri Əlisahib Hüseynov bildirib.
Partiya sədri bildirib ki, onlar problemin həllinə yox, işğalın, status-kvo vəziyyətinin işğalçı Ermənistanın xeyrinə davam etməsinə dəstək veriblər:
"30 il də danışıq olar? Xalqımız düz 30 il bu həmsədrlərdən ədalətli mövqe gözləyib. Azərbaycan diplomatiyası 30 ildir müzakirələr aparır ki, problem çözülsün, torpaqlarımız işğaldan azad edilsin. Lakin Minsk Qrupunun vasitəçiləri daim buna mane olublar. Odur ki, indiyə qədər aparılan danışıqların heç bir nəticə verməməsinin və bu qədər qan tökülməsinin məsuliyyəti həmçinin Minsk Qrupu həmsədrlərinin üzərinə düşür".
Əlisahib Hüseynovun fikrincə, onlar bu məsuliyyətdən qaça bilməzlər:
"Nəticəsiz danışıqları bundan sonra da davam etdirməklə bizim haqq işimizə mane olmağa, Azərbaycan Ordusunun torpaqlarımızın işğaldan azad edilməsi uğrunda apardığı mücadiləni dayandırmağa ixtiyarları yoxdur. Həmsədrlərin "sülhpərvərliyi" tələdən başqa bir şey deyil".
LƏMAN
Versus.Az
Versus.Az
Xəbər lenti
Tarixi dostluq və mehriban qonşuluq
"Əlaqələr gələcəkdə daha da inkişaf etdiriləcək"