“Bərdəliləri heç bir erməni təxribatı qorxuda bilməz”
Bəkir Qarayev: “Düşməni sonadək məhv etməsək, hər an hücumları ilə üz-üzə qalacağıq”
Ermənistanın Azərbaycanın dinc əhalisinə qarşı vandallığı davam edir. Beynəlxalq təşkilatlar, ATƏT-in Mins Qrupu isə baş verənlərə kor və laldır.
Xəbər veridiyimiz kimi, Azərbaycanın Bərdə şəhəri oktyabrın 27-də və 28-də Ermənistanın silahlı qüvvələri tərəfindən raket zərbələrinə məruz qalıb.
Məsələ ilə bağlı Versus.Az-a açıqlama verən Müasir Müsavat Partiyasının Bərdə şəhər təşkilatının sədri Bəkir Qarayev baş verənlərin insanlığa sığmadığını deyib.
B.Qarayev bildirib ki, buna baxmayaraq, baş verənlər üzücü olsa da, düşmənin gözlədiklərinin əksinə olaraq, əhali heç də ruhdan düşmür, əksinə, torpaqlarımızın işğaldan azad edilməsində əllərindən gələni etməyə hazır olduqlarını bəyan edirlər:
“Məkirli erməni cəbhə xəttindən uzaqda olan ərazilərimizi raket hücumlarına məruz qoymaqla ordumuzun diqqətini yayındırmaq istəyir. Çünki cəbhədə uduzur və dinc əhalini hədəf seçməklə ölkəmizdə vəziyyəti gərginləşdirmək, insanlarımızı ruhdan salmaq istəyirlər. Ancaq biz partiyamızın sədri Hafiz Hacıyevin də dediyi kimi hər zaman Ali Baş Komandanın və Ordumuzun yanındayıq. Bərdəlilər də gəncəlilər kimi şəhəri tərk edən deyil və itkilərimizin olmasına baxmayaraq, ordumuzun dayanmadan irəli getməsini istəyirik. Çünki məkrli düşməni sonadək məhv etməsək, hər an onların xəyanətkar hücumları ilə üz-üzə qalacağıq”.
B.Qarayev qeyd edib ki, Bərdə sakinləri düşmənin raket hücumlarından itkilər versələr də, zərər görsələr də evlərini tərk etmək istəmirlər:
“Ali Baş Komandan da bilsin ki, bu xalq onun yanındadır, düşmən həmlələrindən qorxmur, əksinə, döyüşə getməyə də hazırdılar. Bərdəliləri heç bir erməni təxribatı qorxuda bilməz. Yaşasın Ali Baş Komandan, Yaşasın Azərbaycan Ordusu. Qarabağ Azərbaycandır”.
SEVDA
Versus.Az
Xəbər lenti
Keniyanın müdafiə naziri helikopter qəzasında öldü
5 sərnişin həlak olub, daha 3 nəfər tibb müəssisələrinə aparılıb