"Beynəlxalq təşkilatları mütamadi olaraq məlumatlandırırıq"

10:04 30-10-2020 | icon 133 | Siyasət
"Beynəlxalq təşkilatları mütamadi olaraq məlumatlandırırıq"

Lalə Quliyeva: "Bir həftə ərzində yüzlərlə dəstək məktubu alıb göndərmişik"

 

"Torpaqlarımızın işğaldan azad edilməsi üçün əks-hücum əməliyyatlarına başlayandan sonra partiyaların bəziləri siyasi fəaliyyəti dayandırıblar. Bizim partiyanın bütün fəaliyyəti Ermənistanın Azərbaycana qarşı terroru və müharibə cinayəti ilə bağlı informasiya müharibəsinə yönləndirildi. Siyasi partiya olaraq beynəlxalq təşkilatlara erməni vandalı ilə bağlı məlumatlar göndərməyə başladıq".

 

Bunu Versus.Az-a açıqlamasında Azərbaycan Liberal Demokrat Partiyasının (ALDP) Qadınlar Şurasının sədri Lalə Quliyeva bildirib.

 

Lalə Quliyeva bildirib ki, ALDP sentyabrın 27-dən başlayaraq Ali Baş Komandanın yanında olduğunu bəyan edib və partiya olaraq fəaliyyətini hərbi vəziyyətə uyğun davam etdirib:

 

“ALDP bir gündə olsun fəaliyyətini dayandırmayıb. Bəzi partiyalar hesab etdilər ki, müharibə gedən bir vaxtda, orduya dəstək olaraq siyasi fəaliyyəti dayandırsınlar. Biz onların bu addımına hörmətlə yanaşırıq. ALDP isə əksinə, sentyabrın 27-dən başlayaraq fəaliyyətini daha da gücləndirdi. Ordumuza dəstək olaraq təşviqat xarakterli video-çarx hazırladıq, “Əsgərə məktub” layihəsi çərçivəsində aksiyaya da başlamışıq. Bir həftə ərzində yüzlərlə dəstək məktubu alıb göndərmişik”.

 

L.Quliyeva qeyd edib ki, ALDP tərəfindən xaricdə fəaliyyət göstərən və onlarla əməkdaşlıq edən 16 siyasi partiyaya vətən müharibəsi, anti-terror əməliyyatlarla bağlı məlumatlar göndərilib:

 

“Biz əməkdaşlıq etdiyimiz 16 siyasi partiyaları Azərbaycan Ordusunun Ermənistana qarşı apardığı anti-terror əməliyyatlarla bağlı mütamadi olaraq məlumatlandırırıq. Daha sonra 93 beynəlxalq təşkilata, Avropa Parlamentin və ABŞ Konges üzvlərinə Ermənistan dövlətinin dinc əhaliyə qarşı həyata keçirdiyi terror və təcavüzkar siyasəti ilə bağlı ətraflı məlumatlar göndərmişik. ALDP bir siyasi təşkilat kimi, vətənimizin ərazi bütövlüyünün təmin olunması üçün mübarizədə öz töhfəsini verməyə çalışır”.

 

PƏRİ
Versus.Az

Xəbər lenti

InvestAZ

Ən çox oxunan xəbərlər

“İdeoloji təbliğatı ciddi şəkildə genişləndirmək lazımdır”

Akademik Nailə Vəlixanlıdan beynəlxalq təşkilatlara MÜRACİƏT

Şuşa döyüşlərində dastana dönən qardaşlar

Zeynalabdin Tağıyevin Fransada yaşayan nəticəsi Qarabağa gələcək

Maradona dəfn olundu - FOTO

Trampdan Ağ Evi tərk etmə ŞƏRTİ

Helikopter işıq dirəyinə çırpıldı - VİDEO

Türkiyədə zəlzələ - VİDEO

Kəlbəcər şəhərində Azərbaycan bayrağı QALDIRILDI

19 yaşında xalqın, dövlətin təqdirini QAZANMAQ

O dünyadakı məqamın yüksək olsun, CAVAD

Şuşada tapılan 32 illik HƏDİYYƏ

Adı – Xəyal, igidliyi – gerçək

Adını doğruldan...

Bakı Ali Neft Məktəbi - Doqquz il